2018 жылғы 4 мамырда орыс этнографиясы бөлімінің ғылыми қызметкері Р.Ю. Нечаев ШҚО, Ұлан ауданы, Украинка ауылындағы «Украинка орта мектеп-балабақшасы» КММ-да «Терезедегі жарық» (фонарьлар мен лампалар) атты көшпелі көрме өткізді. Онда музей-қорықтың қор топтамасынан алынған керосин лампалар, керосин және шырағдандық фонарьлар тақырыбындағы жәдігерлер қойылды. Көрме Ұлан ауданында - «Рухани жаңғыру» бағдарламасы аясында өткен «Мектеп музейі – халық тарихының, әдет-ғұрпының және мәдениетінің паш етілуі»: сырттай сапарлау семинарының бір бөлігі болды.

2018 жылғы 4 мамырда этнолог Мария Ковалёва «Украинка орта мектеп-балабақшасы» КММ-да «Орыс сүлгілеріндегі Әлем картиналары» атты тартымды әрі танымдық көшпелі көрме өткізді. Аталған көрме «Рухани жаңғыру» бағдарламасы аясындағы «Мектеп музейі – халық тарихының, әдет-ғұрпының және мәдениетінің паш етілуі» атты семинар шеңберінде өтті. Көрмеге музей-қорықтың қор топтамаларынан алынған 20 жәдігер қойылып, слайд-шоу жасалды, сондай-ақ, тақырыптар бойынша фотосуреттер көрсетілді. Көрме тек архаикалық деп аталатын, қолмен салынған өрнектердің мән-мағынасын ғана емес, бір кездері ШҚО жерінде тұрған кержақ-әйелдердің ісмерлігін де паш етеді. Мәселен, атақты кеңестік және ресейлік этнограф және өнертанушы Светлана Васильевна Жарникова (1945-2015 жылдары өмір сүрген) аталған символдардың қаншалықты мәнге ие екендігін өз еңбектерінде атап өткен.

2018 жылғы 13 сәуірде орыс зтнографиясы бөлімінің ғылыми қызметкері Р.Ю. Нечаев «Н.К. Крупская атындағы мектеп-интернаттың»  оқушылары үшін «Музей-қорық қорынан алынған XIX ғасырдың соңы мен XX ғасырдағы шамдар мен лампалар» атты көшпелі қайырымдылық көрмесін ұйымдастырып, өткізді. Онда музей-қорықтың қор топтамаларынан алынған,  керосин лампалар, керосин және шырағдан шамдар тақырыптарын қамтыған жәдігерлер көрсетілді. Сондай-ақ, Р.Ю. Нечаев «Терезедегі жарық» тақырыбында (электр жарығы келгенге дейінгі тарих) екі қайырымдылық лекциясын оқыды. Олар суретті және бейне материалдарды басшылыққа ала отырып ұсынылды. Өткен ғасырдағы материалдық мәдениет тарихы  жайлы көптеген дүниелермен танысу оқушыларға ерекше қызықты болды. Мұғалімдер аталған іс-шара туралы оң пікірлер айтты.

2018 жылдың 2 наурызы күні орыс этнографиясы бөлімінің қызметкерлері Е.Ю. Рахматулина мен Е.Ю. Нечаев Абай даңғылы, 102 мекен-жайындағы ҮМЗ-ның көрме-ақпараттық орталығында кәсіпорынның кәсіподақ комитетімен жасалған келісім бойынша ҮМЗ АҚ жұмысшылары үшін «19 ғасыр соңы - мен 20 ғасыр басында Оңтүстік-Батыс Алтайды мекен еткен орыстардың мәдениеті» тақырыбында көшпелі көрме ұйымдастырды. Көрмеде музей-қорықтың қор топтамаларынан алынған, Кенді Алтай крестьяндарының ағаштан жасалған керек-жарақтары, тоқыма бұйымдары мен костюмдері және самауырлары мен басқа да заттары қойылды. Ғылыми қызметкерлер, атап айтқанда, Е. Рахматулина «19 ғасырдың соңы мен 20 ғасырдың басында Оңтүстік-Батыс Алтайды мекен еткен орыстардың мәдениеті», ал Е. Нечаев «Орыстың шәй мәшинесі (самоварлары)» атты лекциялар оқыды.

Музей-қорықтың орыс этнографиясы және экспозициялық-көрмелік жұмыстар бөлімдерінің атсалысуымен облыс орталығы мен оған жақын маңда орналасқан елді мекендердегі мектептердің төменгі сынып оқушылары Русь жерінде Масленица қалай өткендігі туралы хабардар болды.

 Ескіславяндық Масленица мерекесі көктемгі  күн мен түннің теңесуіне орайластырылып, күннің түннен озып шыққандығын дәлелдей отырып, он төрт күн бойы атап өтілген. Бірақ, христиандықтың қабылдануымен бірге оны мерекелеу шіркеулік күнтізбеге бекітіліп, күні бойынша Сырлы жеті күнге (седьмицаға) сәйкес келеді. Биылғы жылы Масленица ақпанның 12-нен басталып, 18-інде аяқталады. Мектептерден келіп түскен өтінімдердің өте көп болуына байланысты музей-қорықтың Солжағалық кешеніндегі театрландырылған қойылым 1 ақпаннан бастау алды. Аталған мерекелер басты ұстанымы Қазақстан Республикасында өмір сүріп жатқан халықтардың мәдени мұрасын сақтау болып табылатын «Рухани жаңғыру» бағдарламасы аясында өтуде.

2018 жылғы 10 қаңтарда орыс этнографиясы бөлімінің ғылыми қызметкері Р.Ю. Нечаев «О. Бөкей атындағы орталық кітапханалық жүйесі» КММ-де «Ескі заманды сүюшілер клубының» мүшелері – қарт адамдар арасында «Ескі заманнан қалған самаурын» (музей қорларынан) атты жылжымалы қайырымдылық көрме ұйымдастырып, өткізді.

Көрмеде музей-қорықтың қорлар коллекциясынан алынған жәдігерлер ұсынылды: самаурындар, табақтар, шайнектер. Сонымен қатар, Р.Ю. Нечаев «Орыс шай машинасы» (самаурынның тарихы) тақырыбына екі қайырымдылық дәріс оқып, фотосуреттер мен бейнематериалдар көрсетті. Қарт адамдар өткен ғасырлардың материалдық мәдениетінің тарихымен танысты. Кітапхана әкімшілігі өткізілген іс-шараға оң баға берді.

2017 жылғы 8 желтоқсанда орыс этнографиясы бөлімінің ғылыми қызметкері Р.Ю. Нечаев «19 ғасырдың екінші жартысында – 20 ғасырдың ортасында Шығыс Қазақстан облысы аумағында болған самаурындар» атты жылжымалы қайырымдылық көрме ұйымдастырып, өткізді. Көрмеге «Н.К. Крупская атындағы мектеп-интернаттың» оқушылары қатысты. Көрме Қазақстан Республикасының Тәуелсіздік күніне арналған. Мұнда музей-қорықтың қорлар коллекциясынан алынған «Самаурындар, табақтар және шайнектер» атты тақырыбы бойынша экспонаттар ұсынылған. Сонымен қатар, Р.Ю. Нечаев «Орыс шай машинасы» (самаурын тарихы) тақырыбына төрт қайырымдылық дәріс оқыды. Дәріс барысында фото мен бейне материалдар көрсетілді. Оқушылар өткен ғасырлардың материалдық мәдениеті тарихы жайында көп ақпарат алды. Мұғалімдер өткен іс-шара жайында жақсы пікір қалдырды.

2017 жылғы 21 қарашада Өскемен қаласы әкімдігінің «№103 шипажайлық балабақша-бөбекхана» МКМ-інде орыс этнографиясы бөлімінің қызметкері «Кенді Алтайдағы ескідәстүршіл орыс шаруаларының тұрмысы» тақырыбында театрландырылған этнографиялық көрініс өткізді.

Іс-шараға Емеля мен Марья-ісмер киіміндегі екі ертегілік кейіпкер қатысты. Этнографиялық  материал балаларға түсінікті болу үшін оны ойын үлгісінде өткізу қажет болды.

2017 жылғы 16 сәуірде орыс этнографиясы бөлімі Қ.Қайсенов, 67 көрме залында православиелік Қасиетті Пасха мерекесіне орайластырылған «Жексенбі күні»... тұрақтандырылған көрмесін ашты. Көрмеде музей-қорықтың қор коллекцияларынан XIX - XX ғасырдың басындағы экспонаттар ұсынылды: белгішелерге арналған жалақылар, айқышқа шегелену, бүктеу, хоругви, шамдар, кресттер, сондай-ақ боялған заманауи ағаш пасха жұмыртқалары. Көрме үшін Орыс Православ Шіркеуінің Өскемен және Семей епархияларының өкілдері XVIII-XX ғасырлардағы литургиялық заттар, иконалар, діни кітаптар, діни киімдерді ұсынды. Көрмеге келушілер православие мерекелері туралы түсінік алып қана қоймай, христиан дінінің тереңдігін, оның тарихы мен қазіргі әлемдегі орнын жақсы түсінді.

2018 жылдың 4 мамырында орыс этнографиясы бөлімінің қызметкерлері Роман Юрьевич Нечаев пен Мария Викторовна Ковалева «Рухани жаңғыру» бағдарламасы аясында ШҚО Ұлан ауданы Украин ауылындағы «Украин орта мектеп-балабақша кешені» КММ-де «Мектеп музейі-халықтың мәдениеті, дәстүрлері мен тарихының көрінісі» семинары аясында көшпелі көрмелер өткізді. Р.Ю. Нечаев «Терезедегі жарық» (жарықшамдар мен шамдар) атты көшпелі көрме өткізді. Онда музей-қорықтың қор топтамасынан керосин шамдары мен керосин және шырағдан шамдары тақырыбы бойынша жәдігерлер ұсынылды. М.В. Ковалева «Орыс сүлгілеріндегі әлем бейнесі» көрмесін өткізді. Онда музей-қорықтың қор топтамасынан алынған 20 жәдігер, слайд-шоу, сондай-ақ тақырып бойынша фотосуреттер ұсынылды. Көрме сүлгілердегі архаикалық ою-өрнектердің маңыздылығын ғана емес, сонымен қатар ШҚО кержақ әйелдері қолөнерінің бірегейлігін көрсетті. Көрмеге сексен адам қатысты: өткен ғасырлардағы материалдық мәдениеттің тарихы туралы жаңа нәрселерді білуге қызығушылық танытқан семинарға қатысушылар мен мектеп оқушылары. Олар өткізілген іс-шара туралы оң пікір қалдырды.