• Увеличить размер шрифта
  • Размер шрифта по умолчанию
  • Уменьшить размер шрифта
бөлімдер сирек кітаптар және иконажазу бөлімі Мұражай-қорықтың ауылдық мектептермен ынтымақтастығы аясында 2011 жылғы 14 ақпанда Шемонаиха ауданы Верх-Уба селосындағы мектепте біздің мұражай қызметкерлері шығармашылық сапармен болып қайтты

Мұражай-қорықтың ауылдық мектептермен ынтымақтастығы аясында 2011 жылғы 14 ақпанда Шемонаиха ауданы Верх-Уба селосындағы мектепте біздің мұражай қызметкерлері шығармашылық сапармен болып қайтты

Мектеп автобусымен таңғы сағат 9-да мектепке келдік. Мұнда бізді құшақ жая қарсы алып, шай берді және мерекелік әбігерлік басталды. Иә, қателескен жоқпын, расында да мерекелік. Бізді күтіп жүріпті, толқыныспен әзірленіпті. Ең алдымен мектеп мұражайымен таныстырды. Экскурсовод балалар жақсы дайындалған көрінеді: Ескідәстүршілдер үйі туралы әңгімелеп, интерьерін көрсетті; мұндағы стендтер туған селоларының тарихы жайында, Ұлы Отан соғысына қатысқандар туралы сыр шертеді. Мұражайда барлығы сүйіспеншілікпен, шығармашылық тұрғыда жасалған.

 

Шемонаиха ауданы Верх-Уба селосындағы мектеп мұражайы

Экскурсиядан кейін «Орыс ақыны Е.В.Курдаковтың өмірі және шығармашылығы туралы» атты жылжымалы көрмені жедел түрде безендірдік – ол мұражай-қорық қорындағы коллекциядан алынған жәдігерлерден, Курдаковтар отбасының мұрағатындағы кітаптардан, фотосуреттерден, Е.В.Курдаков коллекциясындағы фотоколлаждар мен түбір мүсіндерден ұйымдастырылды. Ақынның қызы Ю.Е.Курдакованың салған суреттері көрмеге қойылды. Мектеп оқушылары Ю.Курдакованың туындылары туралы ыстық лебіз білдірді.

Е.Курдаковтың 70 жылдығына орай мектеп рекреациясындағы үлкен стендте «Жүрек пен жан дүние құпиясы» атты экспозиция әзірленді. Мектеп оқытушылары үлкен дайындық жұмысын жүргізіпті. Аталған көрменің тұсаукесері болды: балалар ақынның өмірбаяны туралы айтып берді, өлеңдер, диалогтар оқылды, музыка қалықтап, бейнематериалдар көрсетілді. Тұсаукесерде мұражай-қорық қызметкерлері: Ю.Курдакова, М.Ларионов, Н.Петрова сөз сөйледі. Курдаков шығармашылығы жөніндегі, өлкетану бойынша кітаптар топтамасы мектепке сыйға тартылды. Залда орнаған шығармашылық ахуал, шабыттты да лирикалық көңіл-күй бізді таңқалдырды. Мұның бір рет қана жасалған іс-шара емес, филологтар (ұйымдастырушы – Ольга Ивановна Маршалкина) мен бүкіл ұжымның байсалды да ойластырылған жұмысының қорытындысы екенін сезіндік.

Содан кейін «Өзін өзі тану» кабинетінде дөңгелек үстел басында мектеп конференциясы еркін жағдайда өтті. Көкейтесті мәселелер: Е.Курдаков лирикасындағы шығармашылық тақырыбы, ақынның көркемдік әлеміндегі құстар бейнесінің мәні, өлеңдер мен прозадағы періштелердің символикалық бейнесі, Абай өлеңдерінен аудармалар, Евгений Васильевич өлеңдеріндегі табиғат және рухани сауықтыру тақырыбы және басқалар талқыланды. Балалар Ю.Курдакова мен Н.Петроваға көптеген қызықты сұрақтар қойды. Сұхбат екі сағатқа таяу жалғасты. Өздерінің сүйікті ақыны – Евгений Васильевич Курдаков шығармашылығындағы күрделі мәселелер туралы мектеп лқушыларының соншалықты қызығушылық танытып, проблемаларды терең сезіне отырып, саналы да еркін пікір білдіргендеріне таң қаласың. Әрине, ең алдымен бұл талантты, өз істеріне берілген ұстаздардың сіңірген еңбегі екені сөзсіз. Олардың осынау бір рухани ахуалды, оқушыларлың дүние тануға және оны шығармашылық тұрғыда ой елегінен өткізуге деген   ұмтылыстарын мектепте ұзағынан сақтап қалуларына тілек білдіргіміз келеді. Конференция қорытындысын шығарғаннан кейін, балалар өз қолдарымен жасаған кәдесыйларын қонақтарға сыйға тартты.

Н.П.Петрова


Верх-Уба селосындағы мектептің «Ғасыр жиегінде...» (Евгений Курдаковтың өмір жолдары) көрмесінің тұсаукесері. 14.02.2011 ж.

 

Евгений Васильевич Курдаковтың 70 жылдығына арналған «Жүрек пен жан дүние құпиясы» атты конференция. Жүргізуші – орыс тілі мен әдебиеті пәнінің мұғалімі Ольга Николаевна Маршалкина

 

Жазушы-жерлесіміз Е.Курдаковқа арнап, мұражай-қорық қорынан ұйымдастырылған «Сөйтіп Сөз тағы да тағдырға айналды!...» атты жылжымалы көрме, Евгений Васильевичтің қызы Юлия Курдакованың графикалық суреттері.

 

Поиск прошедший индексацию в Яндексе

Авторландыру

Счётчики

 

Top.Mail.Ru


Жарнама

Шығыс Қазақстан облыстық сәулет-этнографиялық және табиғи-ландшафттық музей-қорығының ресми сайтына кірушілердің барлығын шын жүректен құттықтаймыз


Күнделікті, келушілердің тапсырыстары бойынша Бейбітшілік көшесі, 29 мекенжайындағы музей ғимаратында Мемлекеттік Орыс музейінің залдары бойынша виртуалды экскурсия жүргізіледі. Михайлов сарайы (Санкт-Петербург). толығырақ>>
БИЛЕТ САТЫП АЛУ



Шығыс Қазақстан облыстық сәулет-этнографиялық және табиғи-ландшафттық музей-қорығының 2023 жылға арналған ЖҰМЫС ЖОСПАРЫ....


Біздің музей өзінің экспозиция залдарына QR-кодтарды енгізді, олар витриналарда, киіз үй мен жекелеген жәдігерлердің жанында орналасқан. Бұл музейге келушілер мен экскурсия жасаушыларға ондағы жәдігерлермен өз бетінше танысуға, олар туралы ақпарат алатын тілді (әзірге қазақ немесе орыс тілдері, ал келешекте ағылшын тілін) таңдауға; танып-білгісі келетін объектіні өз қалауы бойынша таңдап, барынша толыққанды және нақты ақпарат алуға мүмкіндік береді. QR Museum сілтемесіне көшу …