• Увеличить размер шрифта
  • Размер шрифта по умолчанию
  • Уменьшить размер шрифта
басылымдар музей-қорық туралы мақалалар Елбасының өмір жолын бейнелеген ерекше көрме

Елбасының өмір жолын бейнелеген ерекше көрме

Өскемендегі облыстық сәулет-этнографиялық және табиғи-ландшафттық мұражай-қорығында «Нұрсұлтан НАЗАРБАЕВ. Тұлға және саясаткер» атты тұңғыш Президеттің (Астана қаласы) мұражайы қорының көрмесі ашылды.

Көрменің мақсаты – Қазақстан Республикасының Тұңғыш Президенті – Ұлт Көшбасшысы Нұрсұлтан НАЗАРБАЕВТЫҢ іскерлік қызметі арқылы Тәуелсіздіктің 20 жылында Қазақстанның әлемдік қауымдастықтағы қол жеткізген жетістіктерін айшықтай көрсету.

Ағымдағы жылдың 1-желтоқсанында Қазақстан Республикасында алғаш рет Тұңғыш Президент күні мерекеленбек. Бұл мемлекеттік мереке ел Президентінің, Тәуелсіз мемлекеттің негізін қалаушы тұлғаның Қазақстанға сіңірген ерен еңбегін түйсініп, бағалауға бағышталған.

- Біз Тұңғыш Президент күні халықтың не көріп-білгісі келетіні жайында тұрғындар арасында сауалнама жүргізген едік. Олардан түрлі көрмелер мен концерттер және спорттық жарыстар ұйымдастыру жөнінде көптеген ұсыныстар түсті, - дейді облыстық мәдениет басқармасының бастығы Жақсылық Омар. – Соған орай жүзден астам іс-шара өткізу жоспарланып отыр. Өскемендегі көрмеге тұңғыш Президент мұражайының соңғы жылдары айтарлықтай толыққан коллекциялар қорының біраз дүниелері ғана әкелінді.

Өскеменге әкелінген жәдігерлерді негізінен тәуелсіз Қазақстанның қалыптасуы кезеңін баяндайтын суреттер, сондай-ақ экспонаттар, тұңғыш Президентке ұсынылған жеке дүниелер мен сыйлықтар құрайды.

Мәселен көрменің бірінші залы Нұрсұлтан Назарбаевтың жастық шағын баяндайды. Ол жерден Президент металлургияның қыр-сырына қаныққан Днепродзержинскідегі фотосуреттерді, аталған қаладағы оқуын бітіру кезінде оған 8-разрядты кенші атағы берілгенін (ең жоғарғы разряд -10) бейнелейтін суреттер топтамасын көруге болады. Ал одан кейін Елбасымыз Теміртауға келіп, Қарағанды металлургия комбинатында металлург болып, алғашқы еңбек жолын бастаған еді. Аталған көрмеде осынау кезеңдерден сыр шертетін «Теміртау» атты құйма-композицияның қойылуы сондықтан да ерекше. Осы қалада болашаққа деген өрелі көзқарасы мен қоғамдық жұмысқа белсене араласқаны үшін Нұрсұлтан НАЗАРБАЕВТЫ комсомолдық және партиялық жұмысқа шақырады. Елбасымыздың сол жалынды жастығын оның Теміртаудағы бірінші мамырдың мерекелену шеруіндегі кезін, халықпен жүздесулерін, балабақшаларда болып, бүлдіршіндермен кездесуін бейнелеген суреттер әдемі баяндайды.

Айтары мол көрмеде әсіресе, тұңғыш Президенттің жеке қаламы, оның қолымен түзетулер жасалған Қазақстанның Әнұраны ерекше бағалы экспонат болып табылады. Көрмеге қойылған Жапония, Израиль, Еуропа елдері мен Ресей тарапынан тарту етілген сыйлықтардың өзі бір төбе. Сонымен қатар мұнда әртүрлі авторлардың сый-қолтаңбалары жазылған кітаптар, қазақстандық азаматтардың Президентке жолдаған хаттары да орын тепкен.

 

Шығыс-Ақпарат

г. Дидар, 24 қараша 2012 жыл

 

Поиск прошедший индексацию в Яндексе

Авторландыру

Счётчики

 

Top.Mail.Ru


Жарнама

Шығыс Қазақстан облыстық сәулет-этнографиялық және табиғи-ландшафттық музей-қорығының ресми сайтына кірушілердің барлығын шын жүректен құттықтаймыз


Күнделікті, келушілердің тапсырыстары бойынша Бейбітшілік көшесі, 29 мекенжайындағы музей ғимаратында Мемлекеттік Орыс музейінің залдары бойынша виртуалды экскурсия жүргізіледі. Михайлов сарайы (Санкт-Петербург). толығырақ>>
БИЛЕТ САТЫП АЛУ



Шығыс Қазақстан облыстық сәулет-этнографиялық және табиғи-ландшафттық музей-қорығының 2023 жылға арналған ЖҰМЫС ЖОСПАРЫ....


Біздің музей өзінің экспозиция залдарына QR-кодтарды енгізді, олар витриналарда, киіз үй мен жекелеген жәдігерлердің жанында орналасқан. Бұл музейге келушілер мен экскурсия жасаушыларға ондағы жәдігерлермен өз бетінше танысуға, олар туралы ақпарат алатын тілді (әзірге қазақ немесе орыс тілдері, ал келешекте ағылшын тілін) таңдауға; танып-білгісі келетін объектіні өз қалауы бойынша таңдап, барынша толыққанды және нақты ақпарат алуға мүмкіндік береді. QR Museum сілтемесіне көшу …