27 ақпан күні «Тамсандырған Шығыс Қазақстан, әсемдігімен баураған Қытай» атты алғашқы қытай мәдени-туристік көрмесінің ашылуымен байланысты облысымызда жүрген қытай туристік компаниялардың өкілдері музей-қорығының Солжағалық кешен аумағындағы  саябақта болды.

Аспан асты елінің туроператорлары әскери кешенге барып, кеңес дәуірінің ескерткіштері  бар аллеяда болды және ескерткіш суреттерге түсті. Музей-қорықтың экскурсиялық қызмет көрсету секторының меңгерушісі Елена Дроздова қонақтармен экскурсия өткізді. Қытай Халық Республикасының туроператорларына Солжағалық кешен  ұнады.

Айта кету керек, көрме және  Қытай өкілдерінің облысымыздың  түрлі көрнекті орындарына баруы – туризм мен мәдениет саласындағы қазақстан-қытай ынтымақтастығын нығайту мақсатында өткізіліп отыр. Мұндай күрделі                                 іс-шаралардың негізгі ұйымдастырушылары - Шығыс Қазақстан облысы әкімдігінің қолдауымен Алматыдағы ҚХР Бас консулдығы, Орталық Азиядағы ҚХР Мәдениет және туризм министрлігінің Өкілдігі (Астана).

Музей-қорықтың баспасөз қызметі

Суретті түсірген Алексей Мазницын