Көрме Қазақстан Республикасы Тәуелсіздігінің 25 жылдығына арналған «25 жұлдызды күн» атты жалпыреспубликалық акция аясында өткізілді. Оқушылар лекция барысында танымал жазушы Оралхан Бөкейдің «Желтоқсан желі» атты пьесасымен танысты. Оқушылар назарына шығысқазақстандық суретшілер салған О.Бөкейдің кескіндемелік және графикалық портреттерінің фоторепродукциялары ұсынылған.
Әуесқой суретші Ғ.Сәттібаев салған Оралхан Бөкеевтің графикалық және кескіндемелік портреттері
ҚР Суретшілер одағының мүшесі Б.К.Исиннің акварельді туындылары
О.Бөкейдің мемориалдық бұйымдары
Музей-қорықтың «Қайдасың, қасқа құлыным?» атты экспозициясынан көріністер (Өскемен қаласы)
Катонқарағай ауданы Шыңғыстай ауылындағы О.Бөкейдің музей-үйі
Өскемен қаласындағы және Катонқарағай ауылындағы О.Бөкейдің ескерткіштері
Өскемен қаласындағы және Глубокое кентіндегі жазушы есімі берілген мектептер
Оқушылар танымал жазушы әрі жерлестері Оралхан Бөкейдің өмірі мен шығармашылығы жайлы лекцияны ерекше ықыласпен тындады. Оқушылармен Қазақстанның егемен ел, тәуелсіз мемлекет ретінде қалыптасу және даму жолдары және жазушы өмірінің соңғы жылдары жөнінде әңгіме өткізілді.
Өткізу уақыты: 2016 жылғы 12 желтоқсан
Ұйымдастырушы: сирек кітаптар және икона жазу бөлімінің ғылыми қызметкері Гүлжан Кашаку
Қатысушылар: Қ.Нұрғалиев атындағы № 43 мектеп-лицейінің оқушылары
| < Prev | Next > |
|---|
