Шығыс Қазақстан облыстық сәулет-этнографиялық және табиғи-ландшафттық музей-қорығы «Өткен заманның техникасы» атты көрмені ұсынады.
Мұнда сіз технологиялар адам өмірін енді ғана өзгерте бастаған дәуірге енесіз. Сирек кездесетін теледидарларды, патефондарды, алғашқы ұялы телефондарды, фотоаппараттар мен радио қабылдағыштарды көре аласыз – бір кездері прогрестің шыңында болған техникалар!
Бұл көрме технология тарихына қызығатын, балалық шағын еске алғысы келетін немесе балаларға «бұрын қалай болғанын» көрсеткісі келетін жандарға арналған. Мұнда әркім өзіне қызықты дүниені табады!
Көрмеде ұсынылған көптеген құралдар бүгінде сирек жәдігерлерге айналған, ал оларды қолдану қазіргі өсіп келе жатқан ұрпақ үшін нағыз жұмбақ.
Көрмеде музей-қорықтың қорынан алынған 50-ден астам жәдігерлер ұсынылған.
