«Жаңажылдық ғажайып» көрмесі мұражай-қорығының қорындағы жаңажылдық коллекцияны, мектеп оқушыларының шығармашылығы Сарайында тәрбиеленушілердің, Құмаш Нұрғалиев атындағы колледжде «Интерьер дизайны» мамандығы бойынша оқитын студенттердің және оқытушы – сәндік-қолданбалы өнер шебері Р.А. Бобровскаяның шығармашылық туындыларын назарға ұсынған.

Экспозицияға Жаңа жыл символы - әртүрлі ұрпақтар тұсында пайдаланылған Аяз Аталар, Қаршақыздар, өткен ғасыр ортасындағы және ХХІ ғасыр басындағы жаңажылдық шыршалар, шыршалық ойыншықтар мен Жаңа жыл тақырыбындағы түрлі керек-жарақтар енген.

Көрерменге жаңажылдық салтанатты безендірудің бірегей техникалық және шығармашылық шешімдерінің жолдарын көрсете отырып, оның тарихына біраз үңілту - көрменің  басты идеясы болып табылады. ХХ ғасыр ортасындағы ойыншықтар айтарлықтай нәзік те көрікті емес, сондықтан көзге қораштау көрінуі ықтимал. Картоннан, целлулоидтан, мақтадан, қағаздан және қалың шыныдан жасалған оларға алтын немесе күміс бояу жағылған. Ал, ХХ ғасыр соңындағы шыршалық ойыншықтар нәзіктігімен, әсемдігімен көзге түседі. Жаңажылдық заманауи керек-жарақтар қаншама жетілдіріле түскенімен, бұл мерекені сәндік-қолданбалы өнер бұйымдарынсыз көзге елестету мүмкін емес. Шеберлердің қолдарынан шыққан бұйымдар отбасылық салтанатқа жылу сыйлап, ерекше ертегілік ахуалға бөлейді. Ісмер Раиса Анатольевна Бобровскаяның туындылары өзінің орындалу техникасының санқырлылығымен, тіпті тапқырлығымен ерекшеленеді, мектеп оқушылары мен студенттердің бұйымдарында әдеттен тыс материалдар – маталар, өсімдіктердің тұқымдары, сабан пайдаланылған.

Жаңажылдық экспозицияның көрермендердің бойында шығармашылыққа деген қызығушылық, өздерінің жақындары мен таныстарына осындай нәрселер жасап беруге, сөйтіп жанындағыларға мерекелік көңіл-күй сыйлауға деген ұмтылыс туғызары сөзсіз.

Фото Алексея Мазницина