«Заң мен тәртіп» тұжырымдамасы аясында 2026 жылғы 19 мамырда ақпараттық-ағарту бөлімінің қызметкерлері Өскемен қаласы бойынша білім бөлімінің «Нашар көретін балаларға арналған №14 мектеп-балабақша кешені» КММ оқушылары үшін «Ертегілер музейіне саяхат» атты әлеуметтік-қайырымдылық іс-шарасын өткізді.

Іс-шара барысында барлық қатысушылар үшін қолжетімді әрі қолайлы орта қалыптастыруға ерекше назар аударылды.

Бағдарламаның соңында жас келушілер үшін «Мейірімді ертегілер әлемінде» атты викторина ұйымдастырылды.

2026 жылғы 21 сәуір мен 11 мамыр аралығында ақпараттық-ағарту бөлімінің қызметкерлері Өскемен қаласының жалпы білім беретін мектеп оқушыларына арналған «Зүбәржат қаласының сиқыршысы – ертегі әлеміне саяхат» атты танымдық экскурсия өткізді. Іс-шара белгілі ертегі жазушысы Александр Мелентьевич Волковтың 135 жылдығына орай ұйымдастырылды.

Экскурсия Өскемен қаласының тумасы, жас оқырмандарға ертегілер мен шытырман оқиғаларға толы ғажайып әлем сыйлаған көрнекті жазушының өмірі мен шығармашылығымен балаларды таныстыруға бағытталды. Оның шығармалары қатарында «Зүбәржат қаласының сиқыршысы», «Урфин Джюс және оның ағаш сарбаздары», «Жер асты жеті патшасы», «Тастанды қамалдың құпиясы» және т.б.

Бағдарлама соңында жас келушілер үшін «Зүбәржат қаласының құпиялары» атты тақырыптық викторина өткізілді. Қосымша фотосурет ...

2026 жылғы 4-12 мамыр аралығында ақпараттық-ағарту бөлімінің қызметкерлері Өскемен қаласындағы жалпы білім беретін мектеп оқушыларына Ұлы Жеңістің 81 жылдығына және Шығыс Қазақстан мен Қазақстанның Ұлы Отан соғысы батырларына арналған «Жеңіс жолы: тұлғалар мен оқиғалар тарихында» атты экскурсия өткізді.

Экскурсияның мақсаты – оқушылардың бойында патриоттық сезімді қалыптастыру, ел тарихына құрмет пен соғыс жылдарындағы халықтың ерлік рухына тағзым ету. Экскурсияда оқушылар Ұлы Отан соғысының маңызды оқиғаларымен танысып, Ұлы Жеңіске жетуге үлес қосқан майдангерлер мен тыл еңбеккерлерінің ерлігі мен жанқиярлығы туралы мәлімет алды.

Толығырақ...

ЮНЕСКО-ның мәдени мұрасын насихаттау және Қожа Ахмет Ясауи мұрасын ілгерілету аясында 2026-2028 жылдарға арналған жоспарға сәйкес, 2026 жылғы 30 сәуірде ақпараттық-ағарту бөлімінің қызметкерлері Өскемен қаласындағы «М. Шаяхметов атындағы № 23 орта мектеп» КММ оқушыларына арналған «Ахмет Ясауидің шығармашылық мұрасы» атты тақырыптық музейлік іс-шара өткізді. Іс-шара барысында жасанды интеллект элементтері қолданылды.

Шара барысында оқушылар рухани ұстаздың өмірбаяны мен шығармашылығымен танысты. Оның шығармаларының бірі ретінде «Диуани хикмет» («Даналық кітабы») атты өсиеттер жинағы ұсынылды.

А. Ясауидің ілімі Қазақстанның жалпы мәдени жады мен ұлттық бірегейлігінің бір бөлігі ретінде қарастырылады. Оның кеңпейілділікті, қоғамға қызмет етуді және ішкі тазару жолын насихаттайтын идеялары қазіргі заманда да өзектілігін сақтап отыр.

2026 жылы 24 сәуірде ақпараттық-ағарту бөлімінің қызметкерлері ағартушы-педагог, жазушы, этнограф, қоғам қайраткері Ыбырай Алтынсариннің туғанына 185 жыл толуына орай «Ыбырай Алтынсарин – Ұлы дала ұстазы» атты іс-шараны Өскемен қаласындағы Л. Гумилев атындағы №38 жалпы білім беретін мектеп оқушыларына арнап өткізді.

Шара барысында оқушылар оның өмірбаянымен, педагогикалық қызметімен және еңбектерінің қазақ мәдениеті мен білім беру саласындағы маңызымен танысты. Оның көркін «Жұлдыз» өнер мектебі домбырашылар ансамблі әрледі. Жас музыканттар «Ертұран» күйін орындады.

Қонақтар мен қатысушыларға «Ы. Алтынсарин» атты презентация ұсынылды. «Жұлдыз» өнер мектебінің ұстаздары мен тәрбиеленушілеріне алғыс хаттар мен тәтті сыйлықтар табысталды. Іс-шара рухани-шығармашылық атмосферада өтті. Қосымша фотосурет ...

Халықаралық музей күні аясында ұлттық сәндік-қолданбалы өнерді дәріптеу мақсатында 2026 жылдың 15–16 мамыры күндері Өскемен қаласында Шығыс Қазақстан этнографиялық музейінің Солжағалық кешені аумағында (Сәтбаев даңғылы, 92) «Ғасырлық дәстүрлер» кілем тоқу және сәндік-қолданбалы өнер бұйымдарының халықаралық фестивалін өткізу жоспарланған.  

Фестивальға Қазақстанның және шетелдердің түрлі өңірлерінен (Өзбекстан, ҚХР, Ресей Федерациясы, Моңғолия) келген шеберлер мен қолөнершілер, этнодизайнерлер, музейлер мен креативті индустрияны дамыту орталықтарының өкілдері қатысады. Көрермендердің назарына кұрақ құраудың, кілем тоқудың, киізден жасалған бұйымдардың, гобелендердің және дәстүрлі сәндік-қолданбалы өнердің басқа да бұйымдарының бірегей үлгілері ұсынылады.

Шығыс Қазақстан облыстық этнографиялық музейінің делегациясы құрамында тарих ғылымдарының кандидаты Е. Рахматулина, магистрлер Г. Кашаку және А. Карчалова «Қазіргі әлемдегі түркітану: даму үрдістері мен трендтері» атты халықаралық ғылыми конференцияға қатысты. Аталған конференция 24–25 наурыз күндері Алтай мемлекеттік университеті жанындағы «Үлкен Алтай» ғылыми-білім беру орталығында өтті. Конференцияға Ресей, Қазақстан, Өзбекстан және Қырғызстан елдерінен 100-ге жуық қатысушы жиналды.

Қ. Қайсенов кентінің тұрғындары мен қонақтары 23 наурыз Наурыз мерекесін тойлау күнінде Өскеменнен келген сәндік-қолданбалы өнер шеберлерінің қатысуымен өткен көрме-жәрмеңкеге барды. Өз жұмыстарын ұсынды: Ж. Казез - домбыралар, шертер және екі ішекті домбыра, Е. Тоқай -сырмақтар, бөстектер мен кілемшелер, сондай-ақ этно-әшекей шеберлері И.Бахытова, Б.Калелханова және басқа да жас қолөнершілер. Ұйымдастырушы әрі жауапты тұлға - Ж. Рахатова болды. Көрме-жәрмеңке сағат 10:00-ден 15:00-ге дейін өтті.

Қосымша фотосурет ...

Осы күні ШҚО этнографиялық музейі киіз үйде мерекелік тақырыптық экспозиция дайындады, ол келушілерге қазақ халқының тұрмыс-тіршілігі және бай мұрасымен жақыннан танысуға, өткен дәуірдің рухын сезінуге, сондай-ақ ұлттық дәстүрлер туралы көбірек білуге мүмкіндік берді. Сондай-ақ, қонақтарға музейдің қор топтамасындағы дизайнер К.Акашованың ұлттық киімдерінен сәнді дефиле көрсетілді. Бірегей бейнелер, дәстүрлі элементтер және ұлттық киімнің заманауи үлгідегі көрінісі мәдени мұрамыздың әсемдігі мен сан алуандығын айшықтай түсті.