«Менің үйім пасхалық аспанмен қасиеттелген». 2006 жылғы 18 сәуірде мұражай-қорықтың Қ.Қайсенов көшесі, 67 бойынша орналасқан залында католиктік пасхаға арналды. Көрмені мұражай-қорықтың ШҚО халықтары мен азсанды этнотоптарының этнографиясы бөлімінің қызметкерлері ШҚО халықтары ассамблеясының поляк мәдени орталығымен бірлесіп ұйымдастырды.

Экспозицияда қор коллекциясынан алынған католицизм бойынша құлшылық заттары, айшықты суреттері бар жұмыртқалардан тұратын пасхалық композиция, ХХ ғасыр басындағы пошталық ашықхаттар мен басқа да бірегей бұйымдар назарға ұсынылды. Европалық мәнерде безендірілген «Пасхалық ағаш» композициясы экспозицияға ерекше сән берді. Поляк мәдени орталығы жанындағы оқытушы Т.В.Хомич басқаратын «Акварелька» балалар изостудиясы мүшелерінің мереке құрметіне арнайы орындаған еңбектеріне келермендер қызығушылық танытып, эстетикалық ләззат алды.

Көрменің ашылуына «Үміт» балалар үйінің жетім балалары, Рим католиктік шіркеуінің өкілдері шақырылды, олар библиялық сюжеттегі иллюстрацияларды көрсете отырып, Христостың қайта тірілуін католиктердің мерекелеуі жайында түсінікті тілмен айтып берді. Серафим әкей мен монахинялар католиктік храм жиһазы атрибуттарының және жанып тұрған шырақтардың жанында діни әндер орындап, шараға қатысқан барлық балаларға символикалық сыйлықтар таратты. Мерекеде Пасха туралы өлеңдер оқылып, пасхалық мистерия ойналды. Мерекеге қатысушылар кеш соңында мерекелік дәмнен ауыз тиді.