10 қазанда ШҚ облыстық сәулет-этнографиялық және табиғи-ландшафтық музей-қорығың Қ. Қайсенов көшесі 67 көрме залында «Рухани жаңғыру» мемлекеттік бағдарлама аясында ұйымдастырылған «Ежелгі артефактілерден қазіргі заманға дейін» көрмесі ашылды. Жобаға Өскемен, Семей, Риддер, Зайсан, Шемонаиха қалаларының және Тарбағатай ауданының музейлері қатысты.

Көрме ашылмас бұрын барлық қатысушыларды осы оқиғаға байланысты музей-қорық директоры Арсен Владимирович Тен құттықтады.

Біздің аймақтың тарихи-мәдени және этнографиялық мұрасын мұқият сақтап, зерттейтін облыс мұзейлерінің қызметкерлері. Шемонаиха тарихи-өлкетану музейінің директоры Наталья Георгиевна Дубинчик көрменің көп қырлылығының маңызы туралы айтты. Шемонаиха музейі, сондай-ақ Риддер қаласының тарихи-өлкетану музейі көрмеде орыс көне діндарларының мәдениеті туралы коллекциялардан алынған заттарды ұсынды. Тарбағатай музейі Шілікті қорғандарындағы археологиялық қазба жұмыстарымен бөлісті - бұл туралы музей директоры Құралай Қонысбекқызы Ақжасарова айтты. Өскемен қаласындағы облыстық тарихи-өлкетану музейінің маман-тарихшысы Альфия Нурланқызы Бақбаева өз музейіндегі археологиялық коллекциялардан алынған артефактілерге назар аударды. Көрменің витриналарында сонымен қатар Семей қаласының облыстық тарихи-өлкетану музейлерінің, Ф.М. Достоевский әдеби-мемориалдық музейінің, Невзоровтар отбасы атындағы бейнелеу өнері музейінің жәдігерлері болды. Ал Шығыс Қазақстан облыстық Өскемен өнер музейі танымал қазақстандық шеберлер А.Ақанаев, Т. Татиев, Е. Төлепбаевтың суреттерін ұсынды. Сондай-ақ, келушілер тек көрмеде ғана емес, сонымен қатар басқа залдарда ұсынылған этнографиялық музей-қорықтың жәдігерлерімен де танысты. «Ежелгі артефактілерден қазіргі заманға дейін» материалдық және рухани мәдениет ескерткіштерінің негізгі қоймалары болып табылатын музейлер халықтың тарихи және мәдени мұрасын сақтауды қамтамасыз етуге айтарлықтай үлес қосатындығының айқын дәлелі. Көрме қазан айы бойы жұмыс істейді.

Музей-қорықтың баспасөз қызметі

Алексей Мазницынның және Сергей Суровтың суреті