Музей-қорық 2017 жылдан бастап т.ғ.к. Юлия Подопригораның басшылығымен жұмыс істейтін экспедицияның жұмыс тобымен бірге Қазақстан немістерінің Виртуалды музейін құрумен айналысты. Ол Германия Федералдық үкіметінің қолдауымен «Возрождение» атты «Қазақстан  немістері бірлестігі» қоғамдық қорының көмегімен дүниеге келген болатын. Осыған байланысты қор бөлімінің қызметкерлері мен Б.М. Құмарова неміс этнографиясының қор заттарын Қазақстан немістері музейлік топтамасы каталогының тізіліміне енгізу мақсатындағы іріктеу жұмысына  қатысқан-ды. Б.М. Құмарова бұдан кейін де музейлік топтамалардың аталған каталогын жүйелендіруге қатысты.

BKDR / БКДР

Ресейден келген немістердің бавариялық мәдени орталығы Нюрнбергте Ресейден келген немістер үшін кездесу орны және түрлі іс-шаралар өтетін орын ретінде жұмыс істейді. Орталық шығармашылық қызметкерлер мен ғалымдарға кеңес береді және қолдау көрсетеді, жарияланымдардың, дыбыстық, аудио және бейне жазбалардың және т.б. көмегі арқылы тарихты құжаттайды және сақтайды. Сонымен қатар, BCDR өзін Ресейден келген немістердің барлық басқа азаматтармен диалог орнататын орны деп санайды.

Қазіргі уақытта бұрынғы Кеңес Одағы елдерінен Германия Федеративтік Республикасына 2 миллионнан 4 миллионға дейін ресейлік неміс көшіп келді. Олардың дені бар-жоғы бірер айдан кейін-ақ неміс азаматтығын алады. Алайда, интеграцияға көп уақыт кетеді. 2019 жылы құрылған BCDR де нақ  осы мақсатқа қызмет етеді. Орталықтың мақсаты иммигранттардың төл мәдениетті сақтауы мен бірігуіне ықпал ету және Баварияда тіршілік етіп жатқан  450 мыңға тарта адамнан тұратын орыс-неміс қауымдастығының мүдделерін білдіру болып табылады.

Неміс қоныс-үйіне виртуалды тур.

http://www.bkdr.de/VRundgang/Ust-Kamenogorsk/