Дүние жүзіне белгілі жазушы-ертегіші Павел Петрович Бажов 1919-1920 жылдары осы үйде тұрған.

Ол шаруа әйел М.А.Рябованың үйі болатын. Томск губерниясының Жоғарғы Пристань кентінде (қазір Қабанбай батыр көшесі) тұрған. 2002 жылы этнобаққа көшірілген. Ол төбесі тақтай шатырмен жабылған, кірпіш іргетасқа тұрғызылған бөрене үй.

П.П.Бажов Өскемен уезінде тұрған кезінде халықтық білім бөлімінің меңгерушісі, «Советская власть» газетінің редакторы болған. Оның бастамасымен және өзінің тікелей қатысуымен Халықтық Үйде (қазір Жамбыл атындағы облдрамтеатр) уезде тұңғыш қазақ ұлттық тобы құрылды, селолық кітапханалар мен оқу үйлері ашылды, халық сауатсыздығын жою жөнінде жұмыс жүргізілді.