Ағымдағы жылдың 31 шілде күні, Шығыс Қазақстан облыстық сәулет-этнографиялық және табиғи-ландшафтық мұражай-қорығы этноауылының алаңында,  «Азери» әзірбайжан этномәдени бірлестігі  шығармашылық ұжымының концерттік бағдарламасы өтті. Концерттагі  әзірбайжан биі мен әнін тамашалауға қала тұрғындары мен қонақтары келді. Әсем ұлттық киімдермен өз өнерлерін көрсеткен жас өнерпаздар көрермендерге көтеріңкі көңіл күй сыйлады.

Концерт барысында жиылған қауым мен шығармашылық ұжымға Шығыс Қазақстан облысы халық Ассамблеясы хатшылығының меңгерушісі Е.М. Аязбаев сөз сөйлеп, шығармашылық табыстар тіледі.   «Азери» әзірбайжан этномәдени бірлестігінің төрағасы М.О. Гамзаев өз тілектерін әзірбайжан және орыс тілінде алғысын білдірді.

«Азери» шығармашылық ұжымының ең жас бишілері ұлттық биі орындап, көрермендер ризашылығына бөленді. Концертті ұйымдастырушылар көрермендер арасында қызықты ойындар, викториналар, сайыстар өткізіп, жеңімпаздарға естелік сыйлықтар табыс етті. «Сен білесің бе?» атты сұрақ-жауап сайысы әзірбайжан туралы мағлұматты көрермендердің  жете меңгергендерін дәлелдеп берді.

Бір жарым сағатқа созылған концерттік бағдарлама келген қала тұрғындары мен қонақтарына ұмытылмас әсер қалдырды.

Гүлім  Естаева