• Увеличить размер шрифта
  • Размер шрифта по умолчанию
  • Уменьшить размер шрифта
жаңалықтары жаңалықтары Алғашқы қымыз мерекесі. 2017

Алғашқы қымыз мерекесі. 2017

11 мамыр күні Шығыс Қазақстан  облыстық  сәулет-этнографиялық  және табиғи-ландшафттық  музей-қорығының Солжағалық кешеніндегі алаңда тұңғыш рет  «Қымызмұрындық» мерекесі өтеді.

Шараға Сағыр ауылының, Қасым Қайсенов кентінің (ЖК «Жексембинов Б.Б.») фермерлік шаруашылықтарының, сондай-ақ, Катонқарағай ауданындағы Қайырғазы Мейірбаевтың шаруа қожалығының өкілдері қатысады деп күтілуде. Мерекені ұйымдастырушы –  «Жібек жолы» ғылыми-зерттеу бөлімі.

Солжағалық кешен қонақтарын С.Аманжолов атындағы ШҚМУ-дың «Шабыт» жастар театры мен дарынды балаларға арналған облыстық мамандандырылған лицей-интернаттың оқушыларынан тұратын  шығармашылық ұжымдар қарсы алады. Ондағы артистер, музыканттар мен әнші-бишілер көрерменді нағыз театрландырылған шоуға бөлейтін болады. Ал шараға облыстық ардагерлер кеңесінің өкілдері құрметті қонақ болмақ.

Ежелден кең даланы жайлаған халықтың жазы қымыз сауумен басталатын болған. Ол туған-туыс пен дос-жаранды, сондай-ақ, құдайы көршілерді шақырып, басын қосатын үлкен мереке болып өткен. Бұл күнгі «Қымызмұрындық» әрбір келуші қымыздың дәмін татып қана қоятын көрме-жәрмеңке емес, қазақтың осынау ұлттық сусынының тарихымен де таныс болуға мүмкіндік беретін танымдық шара да болып өтпек. Мерекені алғаш  өткізіп отырған ұйымдастырушылар жергілікті жылқы өсірушілердің әр түрлі қымызынан ауыз тиген қалалықтар алдағы уақытта да аталған сусынға ерекше құрмет көрсететініне сенімді.

Сіздерді 11 мамыр күні сағат 11.00-де Сол жағалаудағы этноауылдың Үлкен киіз үйі жанындағы бас алаңда тұңғыш рет өтетін «Қымызмұрындық», мерекесіне шақырамыз.

                                                 

                                                    Музей-қорықтың баспасөз қызметі.

 

Поиск прошедший индексацию в Яндексе

Авторландыру

Счётчики

 

Top.Mail.Ru


Жарнама

Шығыс Қазақстан облыстық сәулет-этнографиялық және табиғи-ландшафттық музей-қорығының ресми сайтына кірушілердің барлығын шын жүректен құттықтаймыз


Күнделікті, келушілердің тапсырыстары бойынша Бейбітшілік көшесі, 29 мекенжайындағы музей ғимаратында Мемлекеттік Орыс музейінің залдары бойынша виртуалды экскурсия жүргізіледі. Михайлов сарайы (Санкт-Петербург). толығырақ>>
БИЛЕТ САТЫП АЛУ



Шығыс Қазақстан облыстық сәулет-этнографиялық және табиғи-ландшафттық музей-қорығының 2023 жылға арналған ЖҰМЫС ЖОСПАРЫ....


Біздің музей өзінің экспозиция залдарына QR-кодтарды енгізді, олар витриналарда, киіз үй мен жекелеген жәдігерлердің жанында орналасқан. Бұл музейге келушілер мен экскурсия жасаушыларға ондағы жәдігерлермен өз бетінше танысуға, олар туралы ақпарат алатын тілді (әзірге қазақ немесе орыс тілдері, ал келешекте ағылшын тілін) таңдауға; танып-білгісі келетін объектіні өз қалауы бойынша таңдап, барынша толыққанды және нақты ақпарат алуға мүмкіндік береді. QR Museum сілтемесіне көшу …