Өлкеміздің  табиғаты туралы фильм түсіру үшін Шығыс Қазақстанға келген Голливуд жұлдыздары 14 ақпанда этнографиялық музейде болды. Қонақтар үшін экскурсияны облыс әкімі Даниал Ахметов ағылшын тілінде жүргізді.

Бай Лин, Кэри-Хироюки Тагава, Марк Дакаскос, Эрик Робертс қазақ халқының материалдық және рухани мәдениетімен танысты. Белгілі актерлер музейден көрген жәдігерлерге тәнті болды. Эрик Робертсті, әсіресе, сырмақтар қатты қызықтырды. Бай Лин жәдігерлерді өз телефонына фотоға түсіріп алды.

Қонақтар қазақтардың ұлттық тағамынан дәм татты, жергілікті шебер оларға өрмекте алашаның қалай тоқылатынын көрсетіп берді.

Қазақстанға келу мүмкіндігіне ие болған актерлер Даниал Ахметовке экскурсия жүргізгені үшін алғыстарын білдірді.