2018 жылғы 27 және 29 қараша күндері музей-қорықтың сирек кітаптар және иконажазу бөлімінің қызметкерлері қаладағы А.Байтұрсынов атындағы № 20 және № 37 орта мектептердің оқушыларына  «Тұңғыш Президент Музейінің тартуы (музей-қорықтың қор топтамасы негізінде)» атты жылжымалы көрме ұйымдастырды.

Көрме Қазақстан Республикасының Тұңғыш Президенті күніне арналған. ҚР Президенті Н.Ә.Назарбаевтың шығармашылық мұрасы және елбасының әдебиет қайраткерлеріне көрсеткен қолдауы жайлы әңгімелейді.

Көрмеде Н.Ә.Назарбаевтың еңбектері, музей-қорық қорына Тұңғыш Президент Музейі сыйға тартқан жерлес-жазушылар Қасым Қайсенов пен Әзілхан Нұршайықовтың кітаптары, фотосуреттері, құжаттары мен мемориалдық заттары ұсынылған.