Музей-қорық қызметкерлеріне жазушы, мемлекет және қоғам қайраткері Әбіш Кекілбаевтың шығармашылығы туралы баяндайтын «Самғау» атты деректі фильм көрсетілді. Әбіш Кекілбайұлы Кекілбаев (1939-2015) - қазақстандық қоғам және  саяси қайраткер, Қазақстанның Халық жазушысы, Мемлекеттік сыйлықтың иегері, филолог, әлеуметтік ғылымдар академиясының академигі, әл-Фараби атындағы Қазақ ұлттық университетінің және  Л. Н. Гумилёв атындағы Еуразия ұлттық университетінің Құрметті профессоры.

Сценарий авторы, кинорежиссер Жаңабек Жетіруов Ә. Кекілбаев туралы фильм түсіру жайлы идея оған 2009 жылы, жазушының туғанына 70 жыл толған кезде келгенін айтады.  Фильмде Әбіш  Кекілбайұлы бастан кешкен дүниелерін өзі баяндайды. Ол өзі туып-өскен ортадағы  жерлестерімен кездесуі жайлы әңгімеледі. Жазушы Гурьев облысы (қазіргі Маңғыстау), Маңғыстау ауданының Оңды ауылында туған. Ол сонымен қатар өзінің кітаптары жайлы әңгімеледі. Олар – «Аңыздың ақыры», «Ұмыт қалған жылдар жайлы баллада» кітаптары, олар – Мопассанның өзі қазақшаға тәржімәлаған «Пьер мен Жан», «Өмір», Л. Толстойдың «Соғыс және бейбітшілік» (жекелеген тараулары), И. Буниннің, А. Чеховтың, Г. Ибсеннің бірқатар  туындылары. Оның «Аңыздың ақыры» атты шығармасы 2019 жылы «Бір ел – бір кітап» атты республикалық акцияның  қазылар алқасының шешімімен Қазақстандағы жалпы халық сүйіп оқитын басты кітаптардың бірі болып танылғаны көңіл қуантады. «Самғау», сондай-ақ, «Әбіш Кекілбаев» фильмдері жазушының 80 жылдығына орай шығарылған. Ақпараттық-ағарту бөлімі фильмді қалың көпшілікке және оқушылар мен студенттерге де көрсетуді қолға алмақ.  

Музей-қорықтың баспасөз қызметі.

Суретті түсірген Сергей Суров.