Масленица апталығы өтті. Музей-қорық 29 ақпанда Ертіс жағалауында өткен «Масленица широкая» қалалық мерекесіне белсенді қатысты.

Мереке сәндік-қолданбалы өнер жәрмеңкелері мен халық тойлауларынан басталды. Музей-қорықтың халықтық және сәндік-қолданбалы өнер бөлімімен бірлесіп жұмыс жасайтын шеберлер өз жұмыстарын ұсынды. Құймақ және басқа да тәттілер сатылымы болды.

Қала әкімі Жақсылық Омар барлық қатысушыларды құттықтады. Ол өз сөзінде славяндардың қайталанбас мәдениетін сақтаудың маңыздылығын атап өтті және музей-қорықтың орыс этнографиясы бөлімінің меңгерушісі, Александр Яковлевке осы бағытта жұмыс істегені және осындай жарқын мерекелерді ұйымдастырғаны үшін алғыс айтты. 

«Бұл мереке - ежелден келе жатқан керемет сияқты» - жүргізушілердің бұл сөздерімен келісу қиын болмады. «Орыс әні» халықтық хоры, «Арабеск» биі жасөспірімдер ансамблі, «Злато», «Бастенки» халықтық ансамбльдері және басқа да топтар қонақтарды халықтық дәстүрлер рухында әсем әндер мен билермен қуантты. Музей-қорықтың орыс этнографиясы бөлімінің қызметкерлері барлығын Амфитеатр алаңының ортасында орнатылған Қыс тұлыбының айналасында билеуге шақырды. Айта кету керек, тұлыпты қызметкерлері өздері жасады.   

Ресей Федерациясының Өскемендегі Бас консулдығының вице-консулы Николай Тищенко барлығын келе жатқан көктеммен құттықтады. Мереке соңында жанған тұлыппен бірге біздің барлық қиындықтарымыз жойылады деген үміт бар.  Сонымен, Дунаевскийдің әйгілі әні М.Волпиннің өлеңдеріне жазылғандай: «Көктем келе жатыр!» - көктем келе жатыр - көктем келе жатыр!

Музей-қорық баспасөз қызметі

Сергей Суровтың суреті