Бүгін Шығыс Қазақстан облыстық мәдениет басқармасының басшысы Нұрболат Қадырұлы Ахметжанов Шығыс Қазақстан облыстық сәулет-этнографиялық және табиғи-ландшафттық музей-қорығы нысандарының бірі «Самал» саябағында болды.

Музей-қорық директоры Арсен Владимирович Тен осы нысанмен таныстырды. Кездесу барысында «Самал» саябағын одан әрі дамыту мәселелері талқыланды.

Тәуелсіздік алған кезде біздің музей этнографиялық музей мәртебесіне ие болды. Бүгінде музей-қорық – көп бейінді музей-қорық болып табылады, мұнда жалпы тұжырымдамамен дәстүрлі музей біріктірілген: (үш ғимарат – ХIX ғасырдың аяғы мен ХХ ғасырдың басындағы тарих пен сәулет ескерткіштері), Қ. Қайсенов атындағы этнопарктегі ашық аспан астындағы музей (халық сәулетінің 14 ескерткіші), Жамбыл атындағы демалыс саябағы, «Самал» демалыс саябағы және «Ақбауыр» тарихи-археологиялық кешені.   

120 га аумаққа жайылған Солжағалық кешенде Шығыс Қазақстан облысында тұратын 17 шаруа мекені бар этнографиялық кешен, әскери кешен, зообақ, ботаникалық саябақ, Шеберлер қаласы, «Көгілдір көл» отбасылық демалыс аймағы, «Жібек жолы» экспозициясы қамтылған.

2020 жылы музей-қорықтың құрылымында өзгерістер болды, оған ШҚО қаржы басқармасының 2020 жылғы 9 қазандағы № П-150(К) бұйрығымен «Самал» саябағы берілді. Бүгінде бұл музей-қорықтың халық ең көп баратын нысаны. Саябақ серуендеуге, спортпен айналысуға, демалуға ыңғайлы. Саябақта жабдықталған құмды жағажай, спортпен айналысуға арналған балалар алаңдары, футбол алаңы, баскетбол мен волейбол алаңдары, роллердром бар. ШҚО әкімінің тапсырмасы бойынша Қазақстан Республикасында жалғыз болып табылатын кросс велосипедтеріне арналған велосипед алаңдары салынуда. «Самал» саябағын дамытудың алдағы жылдарға арналған жоспары бар.