2014 жылғы 17 мамырда сағат 19.00-ден 22.00-ге дейін Шығыс Қазақстан облыстық сәулет-этнографиялық және табиғи-ландшафттық мұражай-қорығының «Жастар» саябағында «Мұражайдағы түн» атты мәдени акция өтті.

Осы бір жыл сайын өткізілетін акция көктемнің жарқын оқиғаларының біріне айналып, мұражай-қорықтың алаңдарына мәдениетке деген қызығушылық бастарын біріктіретін әртүрлі жастағылар және түрлі мамандық иелері жиналды.

Акция бағдарламасы «Мұражай достар арасында!» деп аталды.

Акцияға қатысушылар мен қонақтардың алдында ертегідегідей калейдоскоп шыр айналды: этникалық, эстрадалық, би ұжымдардың концерті мен бард әндері, мұражай Арбаты, көне фонарьлардың жарығымен экскурсиялар, ескі салт-дәстүрлер, халықтық ойындар, ертегідегідей Үндістанның әуендері, фотоалье жұмысы, бойшаң қуыршақтардың өнер көрсетуі, жан біткен жәдігерлер және тағы басқалар.

Фото Алексея Мазницина