Музей-қорық астана күні қарсаңында облыс орталығының оқушылары мен мектеп жасына дейінгі балалары шақырылатын бірқатар іс-шара өткізбек. 3 шілде күні музей-қорықтың ақпараттық-ағарту бөлімінің қызметкерлері  Бейбітшілік көшесі, 29 мекенжайында орналасқан «Ескі үйдің шатыры астында» атты виртуалды залына Өскемен қаласы шығармашылық үйінің  орта тобындағы 29 оқушыны жинады. Оларға «Нұр-Сұлтан – Отанымыздың астанасы» атты интербелсенді-виртуалды экскурсия әзірленді. Оған дәріс-әңгіме, «Мен  астана жайлы не білемін?» атты викторина және деректі бейнефильмдердің көрсетілімі енді. Фильмде Қазақстанның астанасы қалай құрылғаны мен қалай құлпыра түскені жайлы ҚР Тұңғыш Президенті Нұрсұлтан Назарбаев әңгімеледі. Іс-шараға қатысқандардың пікірінше, бұл өте танымдық экскурсия болды. Осы күні музей-қорықтың   виртуалды залында болған әр адамның астана туралы жинақтаған білімі толыға түскені даусыз.

Музей-қорықтың баспасөз қызметі.

Суретті түсірген Сергей Суров.