2019 жылдың 15 қарашасы күні музей-қорықтың ақпараттық-ағартушылық бөлімінің меңгерушісі Шынар Кәрібаева мен бөлім қызметкері Анастасия Григорьева танымал қазақ жазушысы, революционер, ақын, белгілі мемлекет және қоғам қайраткерінің туғанына 125 жыл толуына орайластырылған «С. Сейфуллиннің өмірі мен шығармашылық жолы» атты дәріс өткізді.      

Дәріс Қазақстан-Американ еркін университетінің (ҚАЕУ) студенттеріне  арналып, шатырдағы  виртуалды  залда өтті. Дәріс барысында  С. Сейфуллиннің өмірі мен шығармашылығы, саяси өмірбаяны мен өлкелік басшы дәрежесінен ұлттық деңгейге дейін жүріп өткен тар жол, тайғақ кешуі туралы әңгіме қозғалды. Әңгіме С. Сейфуллиннің өмір жолы жайлы сыр шертетін фотосуреттер және «Болған істің сәулесі» циклімен шыққан деректі фильмнен үзінділер көрсетумен әдіптелді, сонымен қатар оның өлеңдері оқылды.