2020 жылдың 30 қаңтары күні сирек кітаптар және иконажазу бөлімі Өскемен қаласындағы  №106 «Қарлығаш» балабақшасында қазақ тілінде «Абай Құнанбайұлы. 175 жыл» атты бірлескен іс-шара өткізді. Іс-шараға 60-шақты адам қатысты.

 Онда үздік дауыстап оқушылардың конкурсы ұйымдастырылды. Іс-шарада орта және естияр топтың бүлдіршіндері (4 жастан 6 жасқа дейінгілер) Абай шығармаларынан үзінділерді жатқа оқыды. Соңында қорытындысы шығарылды. Үздік дауыстап оқушылар 2 және 1 дәрежелі дипломдармен марапатталды.

        Сондай-ақ, ата-аналар да оған белсене қатысып, ұлы Абайдың қара сөздерінен дауыстап үзінділер оқыды.  Іс-шарада сирек кітаптар және иконажазу бөлімінің ұйымдастыруымен ұлы ақын бейнеленген картиналар мен Абайдың кітаптары және музыкалық шығармашылығы топтастырылған көшпелі көрме болды.