2020 жылдың 27 сәуірі мен 3 мамыры аралығында Шығыс Қазақстан облыстық сәулет-этнографиялық және табиғи-ландшафттық музей-қорығы Қазақстан халқының бірлігі күніне арнап «Қазақстан – біздің ортақ үйіміз» атты он-лайн этновикторина өткізді. Бір қуанарлығы сол, аталған викторинаға шығысқазақстандықтар ғана емес, Қазақстанның басқа өңірлерінің де тұрғындары атсалысты. Викторинаға жиыны 45 адам қатысты.

1 орын 25-тен 24 балл жинаған Алина Трунина мен Венера Көкеноваға бұйырды.

2 орын 25-тен 22 балл жинаған Екатерина Сергееваға берілді.

3 орынды төрт қатысушы, атап айтқанда, Мирина, Роман Шишкин, Махмуди Шамшиев және Никита Казначеев өзара бөлісті. Олардың нәтижесі – 25-тен 21 балл.

Қадірлі достар! Сіздерді мамыр айындағы мерекелермен құттықтаймыз, аталған викторинаға қатынасқандарыңыз үшін алғыс айтамыз және толағай табыстар тілейміз! Сіздерді музей-қорықта қонақ ретінде күтеміз.