Мен сенімен біргемін, Отаным менің. 2002
Мен сенімен біргемін, Отаным менің. Қазақстан Суретшілер одағының мүшесі, алматылық суретші Л.В.Коваленко акварельдерінің көрме-сатылымы. 2002 жыл, 22 мамыр – 17 шілде (Қ.Қайсенов көшесі, 67 бойынша мұражай ғимараты).
Л.В.Коваленко акварельмен 1976 жылдан бастап шұғылдануда. Қытай суретшісі Ци Бай-Ши шығармашылығының ықпалымен ол «су бетіндегі» акварельді «құрғақтай» жетілдіре отырып оның өзіндік түрін дүниеге келтірді, оны «жылы қырау» деген терминмен атады. Осы техниканы ашқаны үшін 1999 жылы КХР үкіметі Қытай бойынша саяхат жасауға шақырды. Жалғыз сол ғана Қазақстанда «тарасикоми» (жапоншадан аударғанда – «ылғал тамшылар») мәнерінде жұмыс істейді.
Л.В.Коваленконың еңбектері Қазақстанның жетекші мұражайлары мен галереяларының коллекцияларынан, АҚШ, Канада, Франция, Италия, Германия, Қытай, Оңтүстік Корея, Жапония мен Егилеттегі жеке коллекциялардан орын алған.
Көрмеге 832 адам келді.
Қазақстанға деген сүйіспеншілікпен. Сидоркиннің графикасы. 2002
Қазақстанға деген сүйіспеншілікпен. Сидоркиннің графикасы. Павлодар облыстық көркемөнер мұражайының қорынан. 2002 жыл, 16 қаңтар – 14 наурыз, мұражайдың Қ.Қайсенов көшесі, 67 бойынша ғимараты.
Қазақстан Республикасының халық суретшісі Е.М.Сидоркиннің баспалық және өзіндік графикасы: «Сәкен Сейфуллинді оқығанда», «Қазақ халық ойындары серияларынан, «Қазақ жырларына», М.О.Әуезовтін «Абай жолы» романына арналған туындылары ұсынылған.
Е:М.Сидоркин – Прагада өткен Халықаралық графика көрмесінің лауреаты, ҚР Мемлекеттік сыйлығы мен Ш.Уәлиханов сыйлығының иегері, Лейпцигте өткен Халықаралық кітаптар көрмесінің қола және алтын медальдарымен (1959 және 1965 жылдар) наградталған.
Көрмені 1 600 адам көрді, 92 экскурсия өткізілді.
ХІХ – ХХ ғасырлардағы орыс кескіндемесі мен графикасы. 2001
ХІХ – ХХ ғасырлардағы орыс кескіндемесі мен графикасы. Невзоровтар отбасы атындағы бейнелеу өнері мұражайының қорынан, Семей, 2001 жыл., 6 қараша – 31 желтоқсан, мұражайдың Қ.Қайсенов көшесі, 67 бойынша ғимараты.
Көрмеге орыс суретшілері В.Тропининнің, К.Брюлловтың, И.Крамскойдың, И.Левитиннің, И.Шишкин мен басқалардың 55 кескіндемелік және графикалық туындылары ұсынылды.
Кеңестік өнер залындағы В.Лебедевтің портреттері мен натюрморттары өздерінің әдеттен тыс мажорлық түр-түсімен көз тартады. А.Грицайдың пастельдік пейзаждарынан күзге деген құмарлықтың лебі еседі.
В.Фаворскийдің ксилографиясы бар залмен көрменің аяқталуы тамаша тапқырлық болып табылады.
Көрмеге 3 215 адам келіп, 183 экскурсия өткізілді.
Қазақ киносының 100 плакаты. 2001
Қазақстан Республикасының Еңбек сіңірген артисі, ҚР Кинематографтар одағының вице-президенті, «Гүлдер» ансамблінің негізін қалаушы, «Әлемдік кино тарихы маркаларда» кітабының авторы Меңтай Өтепбергеновтің жеке коллекциясынан. 2001 ж., 29 қараша – 6 желтоқсан, мұражайдың Горький көшесі, 59 бойынша ғимараты.
Көрме Қазақстан Республикасы Тәуелсіздігінің 10 жылдығына арналған. Оны «ТV MEDIA» компаниясы ұйымдастырып, демеушіі болды.
Қазақ кинематографы жарқағаздарының бірегей коллекциясы назарға ұсынылды, ол Қазақстанның рекордтар кітабына енген және «Қазақфильм» киностудиясының өте сирек кездесетін фотомұрағаты болып табылады. Жарқағаздарда қазақ кинематографының аңызына айналған актерлар мен режиссерлердің фамилиялары көрініс тапқан. Ең көне плакат – бұл 1929 жылғы «Турксиб» фильмінің жарқағазы. 1945 жылғы «Абай әндері» фильміне ағайынды Стенбергтер орындаған және Халықаралық тізімдемеге енген жарқағаз ерекше қызығушылық туғызды.
Көрмеге 501 адам келді.
Зейнелханның сиқырлы инесі. 2001
Алақандағы күн. 2001
Алақандағы күн. Павлодар облыстық көркемөнер мұражайының қорындағы Дымково ойыншықтары, Павлодар, 2001 жыл, 7 қыркүйек – 28 қазан, мұражайдың Горький көшесі, 59 мекенжайдағы ғимараты.
Көрмеге 95 жәдігер қойылды, шығармашылық мәнерімен бір-біріне ұқсамайтын 16 шебер осылардың авторлары болып табылады, олардың жартысының есімдері Ресей мен одан да тыс жерлерде кеңінен танымал, ал алтауы – КСРО Суретшілер одағының мүшелері. Келермендер назарына А..Ф.Полывановтың, А.Ф.Кузьминыхтың, Н.П.Трухиннің, Е.А.Смирновтың, З.И.Казаковтың, В.С.Племянниковтің, Н.П.Борняковтың, С.Г.Житлухиннің, Г.Л.Михайлицынның, С.Ф.Чуркиннің, Н.Н.Скурихиннің, Н.А.Ефремовтың, Л.Н.Коробицын мен басқалардың туындылары ұсынылды.
Дымково ойыншықтарын жасау технологиясы бір қарағанда қарапайым сияқты: қызыл балшықтан мүсіншелер соғу, кептіру, бор түстес бояу жағып, темперамен айшықтау. Дымково ойыншықтарының ерекшелігі – ежелгі славяндардың өрнектік және сәндік өнерінің дәстүрлерімен табиғи байланыстылығында. Гүлөрнек, шеңбер, шығыс славяндарының Күн Құдайының құрмет тұтатын белгілері өрнектегі басым элементтер болып табылады.
Көрмеге 3 520 адам келді, 164 экскурсия өткізілді.
Асыл мұра. 2001
Асыл мұра. 2001 ж., мұражайдың Горький көшесі, 59 мекенжайдағы ғимараты.
Қазақстан Республикасы Тәуелсіздігінің 10 жылдығына орай дайындалып, безендірілген.
Көрмеге киіз бұйымдар – Қазақстан Республикасы Орталық Мемлекеттік мұражайының (Алматы) қорынан алынған сырмақтар мен текеметтердің тамаша коллекциясы, түкті және түксіз кілемдер, қазақ зергерлік бұйымдарының аса бай коллекциясы қойылды. ҚР Ғылымдар Академиясының Ғылыми кітапханасы Құранның ХІХ ғасырдағы – ХХ ғасыр басындағы басылымдарын, олардың ішінде қолжазба түріндегілері де бар, Құранның қазақ, орыс, ағылшын, иран тілдеріндегі аудармаларын, көне қолжазбаларды назарға ұсынды.
Көрменің ашылуына қалалық Орталық мешіттің имамы Ибрагим қажы Қарнақбайұлы бір топ діни қызметкерлермен бірге шақырылды. Имам ашылған көрмені жоғары бағалап, араб тіліндегі Құран мен мешітте 10 жыл бойы қызмет еткенде киген шапанын мұражайға сыйға тартты.
Алтын адам. Зергерлік әшекейлер. 1997
«Алтын адам». Зергерлік әшекейлер. 1997 ж., мұражайдың Горький көшесі, 59 мекенжайдағы ғимараты.
Қазақстан Республикасының Мемлекеттік алтын және бағалы металлдар музейі қорынан б. д. д. ҮІ –Ү ғасырлардағы скиф-сақ мәдениетінің ескерткіштері (Алматы).
Осыған дейін «Алтын адам» Қазақстаннан тыс жерлерде көрсетілсе де Қазақстанда Алматыдан басқа еш жерде қойылған жоқ. Көрме керемет табысқа ие болды. Келермендер саны барлық рекордтан асып түсті, бұған халықтың қызығушылығы әсер етіп қана қойған жоқ, сонымен қатар мұражайдың барлық құрылымы атсалысқан табысты әрі барынша ойластырылған жарнамалық-баспалық жұмыс та ықпал етті. Бірінші эалға бейне және мультфильмдер көрсетуге арналған телевизорлар қойылды, осы жерде келушілер өз кезегін күтіп отырды.
Көрмені экскурсиялық қызметпен қамту ісі қазақ, орыс және ағылшын тілдерінде жүргізілді. Нағыз өнерді бағалаушылардың таңырқаған көзалдарында жалтылдаған алтын киімді сақ патшасы тұрды. Киімнің бөлшектері аң стилінде орындалған, олар тек сұлулығымен, айбындылығымен, мүлтіксіздігімен ғана емес, сонымен қатар көне заман зергерлерінің техникалық тәсілдерінің санқырлылығымен таң қалдырды. Сонымен бірге бұл бұйымдарға көне өркениеттердің әлем тануын ашатын зор мән-мағына жүктелген.
Көрмеге сонымен қатар қазақтардың ұлттық қос және дара білезіктері, жүзіктер, сырғалар, қапсырмалар, шолпылар, белбеулер, тұмарлар, өңірлір, тіс шұқығыштар, құлақ тазалағыштар қойылды. Қазақстан Республикасының Алтын музейінен барлығы 142 зергерлік бұйым болды.
Көрменің өткізілу мерзімдері – 2.121997 – 21.01.1998 ж.ж. Келермендер саны – 35 000 адам, 875 экскурсия өткізілді. Келермендердің негізгі тобы – оқушылар. Көрмеге келгендер: қаладағы 40 мектеп, КТУоқушылары, 3 ЖОО, техникумдар, колледждер студенттері.
|
|