жаңалықтары

Ескі заманнан қалған самаурын» (музей қорларынан). 2018

2018 жылғы 10 қаңтарда орыс этнографиясы бөлімінің ғылыми қызметкері Р.Ю. Нечаев «О. Бөкей атындағы орталық кітапханалық жүйесі» КММ-де «Ескі заманды сүюшілер клубының» мүшелері – қарт адамдар арасында «Ескі заманнан қалған самаурын» (музей қорларынан) атты жылжымалы қайырымдылық көрме ұйымдастырып, өткізді.

Көрмеде музей-қорықтың қорлар коллекциясынан алынған жәдігерлер ұсынылды: самаурындар, табақтар, шайнектер. Сонымен қатар, Р.Ю. Нечаев «Орыс шай машинасы» (самаурынның тарихы) тақырыбына екі қайырымдылық дәріс оқып, фотосуреттер мен бейнематериалдар көрсетті. Қарт адамдар өткен ғасырлардың материалдық мәдениетінің тарихымен танысты. Кітапхана әкімшілігі өткізілген іс-шараға оң баға берді.

Толығырақ...

«ҮЛБІ» халыққа әлеуметтік қызмет көрсететін қалалық аумақтық орталығы» мемлекеттік мекемесіндегі іс-шара. 2018

2018 жылдың 18 қаңтарында әлеуметтік – мәдениет аясында мұражай-қорықтың ақпараттық-білім бөлімінің мамандары «ҮЛБІ» халыққа әлеуметтік қызмет көрсететін қалалық аумақтық орталығы» мемлекеттік мекемесінде «Мемлекеттік Орыс Мұражайына виртуалды саяхат» атты тақырыпта виртуалды экскурсия өткізді.Іс-шараға 40-қа жуық «ҮЛБІ» орталығында қызмет алушылар қатысты.

Виртуалды серуен шеңберінде қатысушылар Орыс Мұражайының тарихымен танысып, лектормен бірлесе отырып залдарға қонаққа барды.Орыс суретшілірінің картинасы қойылған залдарға кіріп Ф.Я.Алексеевтің және В.И.Поленовтың картиналарымен танысты.Сондай-ақ Орыс Мұражайының шедеврлары қойылған залдарға барды.

Мектеп оқушылары музей-қорықтың Солжағалық кешенінде. 2018

2018 жылдың 16 қаңтарында Өскемен қаласының №2 орта мектебінің 5 сынып оқушылары үшін ақпараттық-білім бөлімінің қызметкерлері музей-қорықтың Солжағалық кешеніне сапар ұйымдастырды. Іс-шараға 37 адам қатысты.

Сапар барысында оқушылар музей-қорықтың Солжағалық кешенінде орналасқан этноауылға, мұз қалашығына барып, сырғанақ теуіп, қазақтың дәстүрлі алтыбақанына отырды. Музей-қорықтың жұмыскерлері жасаған қарлы және мұзды фигуралар оқушылардың көңілдерінен шықты, олар естелікке суретке түсті.

Шығармашыл жастарды қолдау. 2018

Музей-қорықта өскемендік мектеп оқушысы Камила Хазиеваға «Ядролық қарусыз әлем қандай болуы мүмкін» атты шығармашылық конкурсқа қатысқаны үшін Қазақстан Республикасының Тұңғыш Президенті – Елбасы қорының грамотасын тапсыру рәсімі болып өтті. Грамотаны музей-қорықтың ғылыми қызметкері – ҚР-ның Тұңғыш Президенті қоры сыйлығының лауреаты Гүлжан Кашаку тапсырды.

Қазақстан Республикасының Тұңғыш Президенті – Елбасы қоры – 2000 жылы Н.Ә. Назарбаевтың тікелей бастамасымен құрылған ірі коммерциялық емес қор. Қор жұмысы дарынды жастарға қолдау көрсету, әлеуметтік жобалар мен азаматтық бастамалардың дамуына жол ашу. Өскемен қаласындағы №34 мектептің 11 сыныбында оқитын Камила Хазиева «Ядролық қарусыз әлем қандай болуы мүмкін» атты конкурсқа өзінің акварельмен салған жұмыстарын жіберген болатын. Ал ол конкурс болса Қазақстан Республикасының Тәуелсіздік күніне орайластырылған еді.

Толығырақ...

Әрдайым жаныңда жүретін мереке! 2017

Музей-қорықтың саябақтары мен Солжағалық кешен жаңа, 2018 жылды қарсы алуға дайындалуда. Әдемі безендірілген шыршалар, мұз бен қардан сомдалған мүсіндер, тіпті ат жегілген шаналар, осының барлығы таза ауада жана жылды қарсы алғысы келетіндерді күтіп тұр.

Ат жегілген шанамен серуендеу маршруты музей-қорықтың Солжағалық кешеніне келетіндерге арналған, ол қар түсе салысымен жұмыс істейтін болады. Ал шағын жылқы – пони болса қарлы трассаны қажет епейді, балалар пониге отырып, кешендегі саяжолдармен каникул бойы сейіл құра береді. Осы жерде әсем безенген шырша тұр, қонақтарды Аяз Ата, Қаршақыз бен басқа да ертегілік мүсіндер қарсы алады. Оларды дизайн және халықтық сәулет бөлімінің қызметкерлері мұздан сомдаған болатын. Бұл орайда жылымық күндер ұзаққа созылмас, ал суретшілердің туындылары еріп кетпес, сөйтіп өскемендіктер қуанышқа кенелер деп үміттенеміз. Балалардың бос уақыты қызықты өтуі үшін Этноауыл аумағында мұзды төбешік, лабиринт жасалып, мұзды сырғанақ құйылды, ол қатқан кезде, конькиді жалға беретін пункт жұмыс істей бастайды. Ал кешен айналасында шаңғы тебетін жол салынды.

Толығырақ...

Ақбауырда Күннің қысқы тоқырауы. 2017

22 желтоқсанда, қысқы күн тоқырауы күні музей-қорық қызметкерлері «Ақбауыр» бөлімінің меңгерушісі Галина Петенёваның басшылығымен «Ақбауыр» тарихи-археологиялық кешенінде бақылау жүргізді.

Ақбауыр облыс орталығынан 38 шақырым жерде, Қалба тауының сілемдерінде орын тепкен. Оның құпиясын алғашқы болып ХХ ғасырдың 80-ші жылдарында белгілі қазақстандық археолог Зейнолла Самашаев ашқан болатын. Ол ежелгі шатқал жартастарындағы тастарға б.д.д. ІІІ мыңыншы жылдары түрлі бейнелер салынған үңгірлерді тапқан еді. Осынау ерекше ескерткішті тапқан көптеген зерттеушілер Ақбауыр сол кездегі адамдар аспан кеңістігіндегі өзгеше құбылыстарды, ең бастысы, Күннің өзгеру кезеңдерін бақылаған ежелгі астрообсерватория болған болуы керек деген пікірге келген. Осылай деп аталған рәсімдік алаңда сүйектер бар (олар геологияда эрозиядан, жауын-судан, өкпек желден және басқалардан пайда болған таулық массивтер деп аталады), оларды зерттеген ғалымдар ол жерлерде ескі заманда өмір сүрген тайпалар түрлі рәсімдер өткізіп, аспан көгінің жарқырауын бақылаған деген пікірге келген.

Толығырақ...

Орыс Мұражайына виртуалды саяхат. 2017

Жыл сайынғы дәстүр бойынша Жаңа жылды мерекелеу аясында Шығыс Қазақстан облыстық сәулет-этнографиялық және табиғи-ландшафтық мұражай-қорығының ақпараттық-білім бөлімінің мамандары аз қамтылған және де көп балалы отбасылар, жетім балаларға арнап қайырымдылық бағдарлама өткізді.

2017 жылдың 22 қарашасында «Орыс Мұражайына виртуалды саяхат» жасалды.Іс-шараға шамамен 200 бала қатысты.

Виртуалды саяхат шеңберінде балалар Орыс Мұражайының шығу тарихымен танысып, бірнеше суретшілердің суреті қойылған залдарға қонақ болды.Сондай-ақ Ф.Я.Алексеев және В.И.Поленов суреттерімен танысты.

Дополнительное фото...

Біздің мұрамыз – халық қолөнері. 2017

Республикалық «Шебер-2017. Біздің мұра» конкурсында музей-қорықтың халықтық және сәндік-қолданбалы өнер бөлімінің меңгерушісі Раиса Мұхамеджановаға қолөнерді дамытуға қосқан көп жылғы үлесі үшін мойындау сертификаты тапсырылды.

Алматыда қазақстандық қолөнершілердің республикалық «Шебер-2017» фестиваль-конкурсы аяқталды. Оған Шығыс Қазақстаннан барған шеберлердің үйлестірушісі Раиса Мұхамеджановамен бірге біздің өңірдің алты сәндік-қолданбалы өнер шебері қатысты. Олардың бұйымдары Қазақстан дәстүрлі қолөнерінің сан алуан спектрін құрайтын фестивальдің жәрмеңкесіне қойылды. Олар: бізкестелеу, зергерлік өнері, тоқымашылық, металды көркем өңдеу және басқалар.

Толығырақ...

Қазақ халқының салт-дәстүрлері. 2017

2017 жылдың 13 және 14 желтоқсанында Тәуелсіздік Күнін мерекелеу аясында Қазақстан Республикасының мемлекеттік «Рухани Жаңғыру» бағдарламасын іске асыру аясында қорық-мұражайдың ақпараттық-білім бөлімінің мамандары «Қазақ халқының салт-дәстүрлері» атты лекция-экскурсия өткізді.Іс-шараға Өскемен қаласының № 2 және № 11мектептің 5 және 6 сынып оқушылары қатысты. Іс-шараға жалпы 110 адам қатысты.

Толығырақ...

Музей-қорықтағы патриотизм сабақтары. 2017

16 желтоқсанда Қазақстан Республикасының басты ұлттық мерекесі – Тәуелсіздік күні аталып өтіледі. Музей-қорықта аталған мерекеге орай көптеген іс-шара өтуде.

Ағартушылық және көпшілікпен жұмыс бөлімінің қызметкерлері Тәуелсіздік күніне арнап, музей-қорықта оқушылармен және балабақшалардың естияр топтарының тәрбиеленушілерімен кездесулер өткізуде. Бұл – өзгеше патриотизм сабақтары. Олар Қазақстан Республикасының мемлекеттік Әнұранын шырқаумен басталады, одан кейін бөлім қызметкерлері ойын түрінде аталған мерекенің тарихы мен Қазақстанның басты рәміздері жайлы әңгімелейді.

Толығырақ...

Өнермен виртуалды кездесулер. 2017

Биыл музей-қорықта жұмыс істейтін «Орыс музейі: виртуалды филиал» атты ақпараттық-ағартушылық орталығына 10 жыл толды.

Виртуалды филиалдың арқасында музей-қорыққа келетін адам атаулы Санкт-Петербургтегі Орыс музейінің інжу-маржанымен таныса алады. Келушілер осы жердегі экранға қарап отырып-ақ экскурсия жүргізушінің көмегімен Орыс музейінің залдарын тамсана аралай алады, өнер туындыларының тарихымен, оларды дүниеге әкелген авторлармен және орыстың бейнелеу өнерімен етене танысады. Өскемендегі Орыс музейінің филиалы – Орыс музейінің Ресейдің мәдениет және білім беру мекемелерінде және шетелдерде орын тепкен екі жүзден астам өкілдіктерінің бірі болса, Қазақстандағы бірегейі.

Толығырақ...

19 ғасырдың екінші жартысында – 20 ғасырдың ортасында Шығыс Қазақстан облысы аумағында болған самаурындар. 2017

2017 жылғы 8 желтоқсанда орыс этнографиясы бөлімінің ғылыми қызметкері Р.Ю. Нечаев «19 ғасырдың екінші жартысында – 20 ғасырдың ортасында Шығыс Қазақстан облысы аумағында болған самаурындар» атты жылжымалы қайырымдылық көрме ұйымдастырып, өткізді. Көрмеге «Н.К. Крупская атындағы мектеп-интернаттың» оқушылары қатысты. Көрме Қазақстан Республикасының Тәуелсіздік күніне арналған. Мұнда музей-қорықтың қорлар коллекциясынан алынған «Самаурындар, табақтар және шайнектер» атты тақырыбы бойынша экспонаттар ұсынылған. Сонымен қатар, Р.Ю. Нечаев «Орыс шай машинасы» (самаурын тарихы) тақырыбына төрт қайырымдылық дәріс оқыды. Дәріс барысында фото мен бейне материалдар көрсетілді. Оқушылар өткен ғасырлардың материалдық мәдениеті тарихы жайында көп ақпарат алды. Мұғалімдер өткен іс-шара жайында жақсы пікір қалдырды.