Өз қолымен жасалған ғажайыптар. 2019
 
2019 жылдың 30 тамызы күні Қ. Қайсенов атындағы этнобақта музей-қорықтың ұйымдастыруымен «Өз қолымен жасалған ғажайыптар» атты облыстық дәстүрлі көрме болды. Онда бағбандар сан түрлі гүлдер мен ағаштарды саябақ жағдайларында, сән үшін және үйге арнап өсірудегі құпияларын ортаға салды. Келер жылдың астығына арналған тұқымдардың көптеген түрі ұсынылды. Сонымен қатар аталған жерден сәндік-қолданбалы өнер шеберлерінің ағаштан, былғарыдан, шпоннан, қайың қабығынан және басқа да табиғи материалдардан жасаған бұйымдары мен зергерлік әшекейлерді де сатып алуға болатын еді.
Конституция күніне арналды. 2019
  ШҚО мәдениет, архивтер және құжаттама басқармасына қарасты «Ертіс концерт» КМҚК шығармашылық ұжымдарының 2019 жылдың 30 тамызы күні музей-қорықтың Солжағалық кешенінде болған концерті Қазақстан Республикасының Конституциясы күніне арналды. Этноауылдың орталық алаңында үрмелі аспаптар оркестрі қазақ композиторларының марштарын орындады. Бас сахнада Байжігіт атындағы қазақ халық аспаптары оркестрі (бас дирижері Ш. Рысханов, дирижері Е. Қасымханов) әншілердің қатысуымен концерт қойды. Онда халықаралық және республикалық конкурстар мен фестивальдардың лауреаты, мәдениет саласының үздігі Нұргүл Қабдоллаева, облыстық, республикалық және халықаралық конкурстардың лауреаттары Айдар Алтай мен Юлия Юрочкина, республикалық конкурстардың лауреаты Қуаныш Оралбаев және басқалар өздерінің орындау шеберліктерімен көрермендерді тәнті етті. Концерттік бағдарламада қазақстандық композиторлардың патриоттық тақырыптағы шығармалары мен Отан туралы әндері және күйлер орындалды.
Қазақстан халқының Тілдері күні қарсаңындаа. 2019
 
28 тамыз күні музей-қорықтың Солжағалық кешені ШҚО тілдерді дамыту басқармасы Шығыс Қазақстан лингвистикалық орталығының тәжірибелік сабақтар алаңына айналды. Тұрғындарға арналған «Тiлашар» қысқа курсына қатысушылар, қазақ тілін үйренушілер осы жерде өз білімдерін нығайта түсті. Оларға музей-қорықтың сирек кітаптар бөлімінің қызметкерлері көмектесті.
Музей-қорықтың ҚР Конституциясы күніне арналған іс-шаралар бағдарламасы. 2019
Музей-қорықтың Солжағалық кешені – этникааралық келісім мен тұрақтылықтың қазақстандық моделі. 2019
 
27 тамызда Қазақстан халқы Ассамблеясы «Бірлік» халықаралық жастар лагерінің өкілдері Солжағалық кешенде болды.
Міне, бірнеше күннен бері жастардың «Бірлік» лагері Глубокое ауданының «Дарын» жазғы сауықтыру лагерінде жұмыс істеуде. Оның мақсаты: жалпы адами құндылықтар жүйесін қалыптастыру, жастар бойында патриотизм, азаматтық теңдік және бірлік тәрбиесін орнықтыру. Сондай-ақ, оның бірден-бір міндеті «ҚХА-ның «Жаңғыру жолы» республикалық жастар қозғалысының (РЖҚ) мақсаттарын танымал ету, олардың іс жүзінде іске асуы болып табылады. ҚХА Шығыс Қазақстан облыстық хатшылығының басшысы Асқар Нұрғазиевтің айтуына қарағанда, жастардың оқу кезінде алған дағдыларын беріктендіре түсу үшін Қазақстанның ерекше көзтартарлықтай ғажаптары орын тепкен этнографиялық музей-қорық таңдап алыныпты.
Құрметті қала тұрғындары және қала қонақтары! 2019
Музей-қорықтың көрме жоспарларын түзетуге байланысты «Мектеп жылдары тамаша» көрмесінің орнына 2019 жылдың қазан айының ортасында ашылатын, «Дала жылнамасы» көрмесі қойылады.
Кешірім өтінеміз.
Әкімшілік
Қазақстан-корей ынтымақтастық форумына қатысушылар Солжағалық кешеннің этноауылында болды. 2019
   
2019 жылы 24 тамызда Солжағалық кешенде «Бірліктегі күш» қазақстан-корей ынтымақтастық форумына қатысушылар барды. Делегацияны Шығыс Қазақстан Корейлері Қауымдастығының төрағасы Юлия Вячеславовна Кунст басқарды. Қонақтарға кешен нысандары бойынша экскурсия жүргізілді. Олар киіз үйдің «Асыл мұра» экспозициясын, этноауылды аралады. Ғылыми қызметкер Т.Е. Свахина корей үйіне экскурсия жасады.
«Бабалар мұрасы – ұрпаққа қазына» атты көрменің ашылуына шақырамыз. 2019
 29 тамызда музей-қорық белгілі суретші-зергер және коллекционер Сержан Мұратұлы Бәшіровтың жеке топтамасынан тұратын қазақ халқының қолданбалы өнері туындыларының «Бабалар мұрасы – ұрпаққа қазына» («Наследие предков – достояние потомков») атты көрмесін ұсынады.
«ЮНЕСКО-ның сапа белгісі» сертификатының иегері Сержан Бәшіров – біздің жерлесіміз, ШҚО, Тарбағатай ауданының тумасы. Сержан Бәшіров ұзақ жылдар бойы Қазақстанның әр өңірі мен шетелдерге жасаған экспедициялары барысында қазақ дәстүрлі өнерінің мұраларын зерттей жүріп, топтама жасау үшін олардың стильдік және аймақтық ерекшеліктерінің технологиялары, бұйымның типологиясы, өрнектердің түрлері туралы материалдар жинастырды. Көрмеге келушілер назарына сондай-ақ, шебердің ой бірегейлігі мен биік көркемдікпен орындалған бірқатар авторлық жұмыстары ұсынылады.
Толығырақ...
«Жамбыл саябағы үшін барлығына рахмет». 2019
 
Жамбыл атындағы саябақта қалалықтар – балалар, жастар және үлкендер үшін жайлы демалыс сыйлауға бағытталған шаруалар жалғасын табуда.
Ендігі жерде мұнда ағаштардың арасын кезіп, жүре бермей немесе орындықтарда отыра бермей, спортпен шұғылдануға да мүмкіндік мол. Алаңқайдың бетон қабырғаларына воркаутпен, атап айтқанда, көше гимнастикасымен айналысуға арналған баптамалар (тренажерлар) орнатылған. Алаңқай түрлі спортпен айналысуға болатын топтамаларының көптігімен таңғалдырады. Оны қала жастары да бағалауда. Саябақта қосымша орындықтар да көбейе түскен, мұның өзі зейнеткерлер үшін нағыз демалыс орны болады деп күтілуде.
Қолөнершілердің «Алтай базары» атты облыстық фестиваль-конкурсы. 2019
  2019 жылдың 3 тамызы күні Қ. Қайсенов атындағы саябақта сағат 11.00-ден 17.00-ге дейін осымен үшінші рет Шығыс Қазақстан облысы қолөнершілерінің фестиваль-конкурсы болып өтті. Іс-шараны ШҚО туризм және сыртқы байланыс басқармасының Туристік ақпарат орталығы мен Шығыс Қазақстан облыстық сәулет-этнографиялық және табиғи-ландшафттық музей-қорығы ұйымдастырды. Фестиваль-конкурсқа Өскемен, Семей, Риддер қалалары мен Ұлан, Глубокое, Көкпекті, Бесқарағай аудандарынан барлығы 40 қөлөнерші қатысты. Фестиваль барысында қонақтарға шеберлердің жұмыстарымен қатар ши тоқу, қоға өру, ағашқа ойып, өрнек салу, киіз басу, матадан қуыршақтар және былғарыдан білезіктер жасау сынды халықтық өнер бойынша шеберлік дәрістері ұсынылды.
ОАР-дың Төтенше және Өкілетті елшісі музей-қорықта болды. 2019
  2019 жылдың 29-30 шілдесі күндері ОАР-дың Орталық Азия елдеріндегі Төтенше және Өкілетті елшісі Кийтуметци С.Т. Мэттьюс ханым ШҚО-да сапарда болды. Дипломат 30 шілде күні музей директорының орынбасары Е.Ю. Рахматулинамен бірге музей-қорықтың бірқатар көрме нысандарында болды. Елші ханым мен онымен бірге жүргендер М. Горький көшесіндегі 59 ғимаратта орын тепкен «Шығыс Қазақстан қазақтарының ХІХ ғасырдың соңы мен ХХ ғасырдың бірінші жартысындағы этнографиялық мұрасы» атты экспозициямен, кор топтамасынан алынған «Орыс сүлгісі» көрмесімен, сондай-ақ, Қ. Қайсенов (Жастар) этнобағындағы этнографиялық қоныс-үйлермен ден қоя танысты.
Толығырақ...
2019 жылдың 27 шілдесі күні ШҚО, Алтай (бұрынғы Зырян) ауданы, Жаңа Бұқтырма кентінің туристері үшін ежелгі Ақбауыр ғибадатханасына экскурсия болды. 2019
  Экскурсия барысында қонақтар аталған орынның геологиялық ерекшеліктерімен және рельефімен, пайдалы қазбаларымен, Ақбауыр орналасқан Қалба тауының өсімдік және жануарлар әлемімен танысты, Қоржынбай тауының беткейіндегі археологиялық ескерткіштерді, атап айтқанда, б.д.д. V-III мың жыл бұрынғы жартастарға салынған суреттерді, жартастардың бетіне ойып салынып, қола дәуірінен және ертеректегі темір ғасырынан қалған гранит қаңқаларды аралап көрді.
|
|
жаңалықтары
