жаңалықтары

Қазақстанның астанасына іс-сапар одан әрі жұмыс жасау үшін пайдалы болды. 2019

Қазан айының басында музей-қорық қызметкерлерінің бір тобы Нұр-Сұлтан қаласындағы Қазақстан Республикасының Ұлттық музейінде болды. Іссапардың мақсаты - Ұлттық музейдің Қазақстан Республикасының мәдени және рухани құндылықтарын сақтау, дамыту және насихаттау тәжірибесімен танысу.

Толығырақ...

Қазақ мәтінін кириллицадан латын графикасына түрлендіру. 2019

«Қазақ тілін латын графикасына 2025 жылға дейін ауыстыру жөніндегі іс-шаралар жоспарын» жүзеге асыру аясында музей сайтында конвертердің Интернет-ресурсына сілтеме орналастырылды. Бұл веб-бетте сіз кириллицаны латын графикасына тегін түрлендіре аласыз.

Конвертердің Интернет-ресурсына сілтеме https://www.qazlatyn.kz/converter/text

Қарттар күніне орай ашық есік күні. 2019

2 қазанда қарттар күнін мерекелеу аясында музей-қорықта солжағалық кешенде ашық есік күні өтті. Өскемен қаласы әкімдігінің «Үлбі» қалалық аумақтық әлеуметтік қызмет көрсету орталығы» КММ тапсырысы бойынша экскурсия өтті.

Толығырақ...

Музей-қорықта жаңа директор. 2019

30 қыркүйекте ШҚО мәдениет, архивтер және құжаттама басқармасының басшысының орынбасары Мирас Жұмағұлов музей-қорықтың ұжымына жаңа директорды таныстырды. Білімі жоғары, 1981 жылы туылған Тен Әрсен Владимирович директор болды. Жаңа басшы жұмысқа кірісті.

Музей-қорықтың баспасөз қызметі

Алексей Мазницынның суреті

Музей-қорықтың қатысуымен Abai175 челленджі. 2019

Қазақстан басшысы «Абай Құнанбаевтың 175 жылдығын мерекелеу туралы» жарлыққа қол қойды. Мерейтой 2020 жылы аталып өтіледі, бірақ осы шараның құрметіне түрлі іс-шаралар өтуде. Солардың ішінде музей қызметкерлерінің қатысатын Abai175 поэтикалық челленджі.

Челлендж сөзі ағылшын тілінен аударғанда «шақыру» деген мағынаны білдіреді. Бұл жағдайдағы челлендж - белгілі бір адамдар үшін, маңызды жасырын мағынасы бар, қандай да бір әрекеттерді орындау үшін тізбек ретінде әрекет ететін ойын түрі.

Толығырақ...

Славяндардың тілі - ата-бабаларымыздың мәдениеті мен тарихын білудің кілті. 2019

22 қыркүйекте Қасым Қайсенов атындағы саябақта музей- қорықтың орыс этнографиясы бөлімі мен ШҚО тілдерді дамыту басқармасы және славян мәдениетінің аймақтық қоғамы ұйымдастырған «Славяндардың тілі - ата-бабаларымыздың мәдениеті мен тарихын білудің кілті» конкурстық эстафетасы өткізілді.

Толығырақ...

Жоғары шеберлік пен жаңашылдық. 2019

Қолөнершілер шығармашылығының Бекжан Батырдың 310 жылдығына (1709-1730) арналған халықаралық фестиваль-конкурсына қатысушыларды жоғары шеберлік пен жаңашылдық дараландыра түсті. Фестиваль 13 қыркүйекте «Рухани жаңғыру» бағдарламасы мен «Асыл мұра» шағын бағдарламасы аясында Семей қаласында өтті. Оны ұйымдастырушылар қатарында музей-қорықтың халықтық және сәндік-қолданбалы өнер бөлімі де болды.

Толығырақ...

Студенттер Абайдың өмірі мен шығармашылығы және шәкірттері жайлы жақынырақ білді.

16 қыркүйек күні сирек кітаптар және иконажазу бөлімінің меңгерушісі Гүлжан Кашаку С. Аманжолов атындағы Шығыс Қазақстан мемлекеттік университеті тарих,филология және алықаралық қатынастар факультетінің студенттері үшін Солжағалық кешеннің кіші павильонында экскурсия өткізді. Олар болашақ журналистер еді.

Толығырақ

Достық пен өзара түсіністік мерекесі. 2019

Екі күн бойы – 2019 жылдың 6 және 7 қыркүйек күндері музей-қорықта Жастар жылына арналған «Бірге бақыттымыз» атты этнофестиваль болып өтті. Биыл этнофестиваль Қазақстанда 8 қыркүйек күні атап өтілген Отбасы күні қарсаңында өткізілді. Іс-шара барысында әр түрлі халықтың отбасылық салт-дәстүрлері ұсынылды. «Бірге бақыттымыз» этнофестивалі музей-қорықтың барлық бөлімдерінің атсалысуының арқасында өте танымды, қызықты және көңіл толтырарлықтай болып өтті.

Толығырақ...

Белгілі зергердің топтамалары музей-қорықтағы көрмеде. 2019

29 тамыз күні «Алтай» көрме залында белгілі суретші-зергер және коллекционер Сержан Бәшіровтың жеке топтамасынан алынған «Бабалар мұрасы – ұрпақтар қазынасы» атты көрменің ашылуы болды.

Сержан Бәшіров көрме ашылған күні 55 жасқа толды. Ол біздің жерлесіміз, Тарбағатай ауданының Ақжар ауылында дүниеге келген. Бала күнінде ата-анасымен бірге Алматыға көшіп кеткен. Ал қазір Нұр-Сұлтан қаласында тұрады. Алайда, өзінің туған өлкесі – Шығыс Қазақстанды ешқашан ұмытқан емес. Музей-қорық көп жылдан бері Сержан Мұратұлымен әріптес болып келеді, оның жылдар бойы жинақтаған зергерлік жұмыстары мен Қазақстанның әр қиырынан және басқа елдерден жинастырған қазақтардың ХVIII ғасырдан бергі ұлттық қолданбалы өнерінің ескі бұйымдары соған дәлел бола алады.

Толығырақ...

Өз қолымен жасалған ғажайыптар. 2019

2019 жылдың 30 тамызы күні Қ. Қайсенов атындағы этнобақта музей-қорықтың ұйымдастыруымен «Өз қолымен жасалған ғажайыптар» атты облыстық дәстүрлі көрме болды. Онда бағбандар сан түрлі гүлдер мен ағаштарды саябақ жағдайларында, сән үшін және үйге арнап өсірудегі құпияларын ортаға салды. Келер жылдың астығына арналған тұқымдардың көптеген түрі ұсынылды. Сонымен қатар аталған жерден сәндік-қолданбалы өнер шеберлерінің ағаштан, былғарыдан, шпоннан, қайың қабығынан және басқа да табиғи материалдардан жасаған бұйымдары мен зергерлік әшекейлерді де сатып алуға болатын еді.

Толығырақ...

Конституция күніне арналды. 2019

ШҚО мәдениет, архивтер және құжаттама басқармасына қарасты «Ертіс концерт» КМҚК шығармашылық ұжымдарының 2019 жылдың 30 тамызы күні музей-қорықтың Солжағалық кешенінде болған концерті Қазақстан Республикасының Конституциясы күніне арналды. Этноауылдың орталық алаңында үрмелі аспаптар оркестрі қазақ композиторларының марштарын орындады. Бас сахнада Байжігіт атындағы қазақ халық аспаптары оркестрі (бас дирижері Ш. Рысханов, дирижері Е. Қасымханов) әншілердің қатысуымен концерт қойды. Онда халықаралық және республикалық конкурстар мен фестивальдардың лауреаты, мәдениет саласының үздігі Нұргүл Қабдоллаева, облыстық, республикалық және халықаралық конкурстардың лауреаттары Айдар Алтай мен Юлия Юрочкина, республикалық конкурстардың лауреаты Қуаныш Оралбаев және басқалар өздерінің орындау шеберліктерімен көрермендерді тәнті етті. Концерттік бағдарламада қазақстандық композиторлардың патриоттық тақырыптағы шығармалары мен Отан туралы әндері және күйлер орындалды.