Құрметті достар!

«ШҚО сәулет-этнографиялық және табиғи-ландшафттық музей-қорығы» «Халықтық онлайн Естелік кітабы» жобасын іске қосады, онда Ұлы Жеңістің куәсі болғандардың туыстары мен жақындарының естеліктері қамтылады.

Олар үшін Ұлы Отан соғысының оқиғалары өткен тарихқа айналған ұрпақ өсіп келеді. Бұл табиғи үдеріс: оқиғаларға қатысушылар мен куәгерлер өмірден кетеді, ал олар туралы естеліктер қалады. Бірақ бұл естеліктер, оқулықтың жаттанды парақтары емес, деректердің, күндердің, сандардың, дәйек сөздер мен ой салар сөздердің құрғақ жиынтығы емес, жақын адамдар туралы жылы, жанды сезіммен айтылған естеліктер болары даусыз.

«Шығыс – Адалдық алаңы» жобасын жүзеге асыру аясында, 2022 жылдың 16 наурызынан ШҚО  музей-қорығында Қ. Қайсенов көшесіндегі көрме корпусында «Сыбайлас жемқорлықпен плакат тілінде күрес» атты тақырыптық көшпелі көрме өтеді. Қазақстан Республикасы Сыбайлас жемқорлыққа қарсы іс-қимыл агенттігі Шығыс Қазақстан облысы  бойынша департаменті тарапынан музейге бірқатар материалдар берілді. Көрме жалпы халықты осы өткір әлеуметтік мәселеге тартуға, жалпы сыбайлас жемқорлыққа қарсы көзқарасты қалыптастыруға, азаматтардың мемлекеттік билік институттарына сенімін арттыруға бағытталған.

2022 жылғы 14-23 наурыз аралығында «Император» сауда кешенінде музей-қорықтың қазақ этнографиясы бөлімінің қызметкерлері «Күн дидарлы Наурыз нақыштары» атты көшпелі көрме ұйымдастыруда. Көрмеде ежелгі және қазіргі заманғы қазақ сәндік-қолданбалы өнер шеберлерінің бұйымдары, қазақ киіз үйінің ішкі мүкамалдары ұсынылды. Көрме әр түрлі жастағы келушілердің қызығушылығын тудыратыны сөзсіз.

Наурыз – көктеммен бірге келетін, мыңдаған жылдардан бері атап өтіліп келе жатқан мереке. Ол Шығыс халықтарында жыл басы болып саналады және табиғаттың жаңаруын бейнелейді.

ШҚО музей-қорығының ағарту және көпшілікпен жұмыс бөлімі 2022 жылдың 14 – 18 наурыз күндері  қала мектептерінің бастауыш сынып оқушылары үшін Наурызға арналған театрландырылған-танымдық бағдарлама өткізеді. Іс-шараның басты кейіпкерлері киіз үй иесі, оның қызы Наурызгүл, Отжүз-кемпір мерекенің дәстүрлері мен әдет-ғұрыптары туралы айтып, киіз үйдің мүкәмалдарымен таныстырады, балалармен қазақтың халықтық ойындарын ойнайды.

2022 жылдың 22 ақпанынан 6 наурызына дейін ағарту және көпшілікпен жұмыс бөлімі «Кең ауқымды Масленица, біз сені мақтан етеміз!» атты театрландырылған танымдық бағдарлама өткізуде. Іс-шараға қатысушылар – қала мектептерінің бастауыш сынып оқушылары орыстың халықтық Масленица мерекесінің дәстүрлерімен танысады. Театрландыру үдерісінде басты кейіпкерлер: үй иесі әйел, көгілдір көктем және қыс үшеуі бірлесіп, көңілді ойындар өткізеді, жұмбақтар жасырады, мерекенің әрбір күнінің мәні туралы әңгімелейді. Ертеңгіліктің соңғы сәтінің сәнін тәтті құймақ келтіреді. Іс-шарада музей қорынан алынған жәдігерлер қолданылуда.

1 наурызда Қазақстанда Алғыс айту күні аталып өтіледі. Бұл мерекені атап өте отырып, Қазақстан қиын кезеңдерде миллиондаған жер аударылған адамдарды қабылдаған қонақжай мемлекет ретінде ашыла түседі. Музей-қорық облыстық «Qazaq eline myn tagzym!» атты форум аясында  Достық үйінің 30 жылдығы мен Алғыс айту күніне орайластырылған «ШҚО халқының этнографиялық мұрасы» атты көшпелі көрме өткізді. Ғылыми бөлімдердің қызметкерлері Достық үйінің фойесінде музей-қорық қорындағы жәдігерлердіжайып салды және форумға қатысушылар мен қонақтарға Шығыс Қазақстан халқының материалдық мәдениеті, атап айтқанда, олардың ұлттық киімдері мен тұрмыстық заттары туралы айтып берді.

28 желтоқсанда Самал саябағында және Солжағалық кешен аумағында қысқы маусымның салтанатты ашылуы өтті.  Негізінен қала тұрғындары мен қонақтары мұзайдындары мен мұз төбешіктерінің ашылуына шақырылды. Самал саябағында шаңғы жолы да жасалған.

Қала әкімі Жақсылық Омар қатысқан қысқы маусымның ашылуы бойынша негізгі салтанаттар Солжағалық кешенде өтті. Мұзайдынында «Звездный» мәнерлеп сырғанау клубының мәнерлеп сырғанаушылары Маргарита Мирошниченко мен София Мұхамедкаирова өнер көрсетті. Музей-қорықтың қазақ этнографиясы бөлімінің қызметкері Жанбота Шерікбайдың орындауында жерлес ақын Қалқаман Сариннің поэтикалық шығармалары шырқалды. Ал орыс этнографиясы бөлімінің меңгерушісі Александр Яковлев пен бөлім қызметкері Марина Солонец Аяз Ата мен Ақшақардың рөлдерінде атқа жегілген күймемен келіп барлық келушілердің алдында керемет өнер көрсетті. Ағарту және көпшілікпен жұмыс бөлімінің әдіскері Ольга Савельеваның қатысуымен балаларға арналған ойын бағдарламасы да салтанатты түрде өтті. Ол үнемі өз бейнелерімен айналасындағыларды қуантады. Бұл жолы Ольга Михайловна күлкілі гном бейнесінде болды.

Шығыс Қазақстан музей-қорығы Самал саябағында және Солжағалық кешеннің аумағында конькимен сырғанауды ұнататындар үшін қысқы маусымды ашады. Қаланың барлық тұрғындары мен қонақтарын 2021 жылдың 28 желтоқсанында сағат 18.00-де Самал саябағына және Солжағалық кешеннің мұз айдынына шақырамыз, онда Сізді қысқы маусымның ашылуы мен ойын бағдарламасы тосады!  

Музей-қорықтың баспасөз қызметі

ШҚО музей-қорығы Тәуелсіздік күні қарсаңында музейге демеушілік көрсеткен «Өскемен ТМК» АҚ басшылығына алғысын білдіреді!  Музей-қорықтың шаруашылық бөлімдерінің қызметкерлері үшін 50 қысқы күртке, 50 дана жазғы киім, 50 жұп мақта-мата қолғап алынды. Сертификатты «Өскемен ТМК» АҚ техникалық директоры В.Ю. Чувашов табыс етті.

Шығыс Қазақстанның жетекші өнеркәсіптік кәсіпорындарының бірімен біздің табысты ынтымақтастығымыз алдағы 2022 жылы да жалғасады деп үміттенеміз.

Облыстық сәулет-этнографиялық және табиғи-ландшафттық музей-қорығының бір топ қызметкері Қазақстан Республикасының Ұлттық музейі  Қазақстан Республикасы Тәуелсіздігінің 30 жылдығына арнап өткізген "Тәуелсіздік жолы: қалыптасуы, дамуы және келешегі" атты республикалық ғылыми-тәжірибелік конференция жұмысына қатысты. Конференция 2021 жылдың қыркүйегінде өткен болатын. Конференцияның қорытындысы бойынша оған қатысушылар Ұлттық музей директоры А. Мұхамедиұлының қолы қойылған сертификаттарға ие болды.

2021 жылдың 14 желтоқсанында "Рухани жаңғыру" бағдарламасын жүзеге асыру аясында және Қазақстан Республикасы Тәуелсіздігінің 30 жылдығына орай ақпараттық-білім беру бөлімінің мамандарымен (Ш.М. Карибаева, А. А. Асыл, О. М. Байгунусова) Өскемен қаласының № 11 мектеп-лицейінің оқушыларына мұражай-қорықтың қор жинақтарынан көшпелі көрме көрсетіліп  "Қазақ халқының дәстүрлері" экскурсиясы өткізілді. Іс-шара экспонаттарды көрсетумен, ұлттық ойындармен және конкурстармен сүйемелденді.

2021 жылдың 13-15 желтоқсан аралығында, Қазақстан Республикасы Тәуелсіздігінің 30 жылдығын мерекелеу аясында, Шығыс Қазақстан облыстық сәулет-этнографиялық және табиғи-ландшафттық музей-қорығының негізінде ақпараттық-білім беру бөлімінің мамандарымен (Карибаева Ш. М., Асыл А. А., Байгунусова О. М.) және ZOOM платформасында "Туған ел туралы не білемін?».