16 желтоқсанда Қазақстан Республикасының басты ұлттық мерекесі –  Тәуелсіздік күні аталып өтіледі. Музей-қорықта аталған мерекеге орай көптеген іс-шара өтуде.

Ағартушылық және көпшілікпен жұмыс бөлімінің қызметкерлері Тәуелсіздік күніне арнап, музей-қорықта оқушылармен және балабақшалардың естияр топтарының тәрбиеленушілерімен кездесулер өткізуде. Бұл – өзгеше патриотизм сабақтары.  Олар Қазақстан Республикасының мемлекеттік Әнұранын шырқаумен басталады, одан кейін бөлім қызметкерлері ойын түрінде аталған мерекенің тарихы мен Қазақстанның басты рәміздері жайлы әңгімелейді.

Мұндай кездесулер балалар бойында қазақстандық патриотизмді, Отанға деген махаббатты және Қазақстан халқының тарихи өткені үшін мақтаныш сезімін қалыптастыруға жол ашады.

Музей-қорықтың баспасөз қызметі

Суретті түсірген Сергей Суров.