ӨСКЕМЕН ҚАЛАСЫНДА ЧЕРНОБЫЛЬ АЭС-індегі АПАТТЫҢ 30 ЖЫЛДЫҒЫНА АРНАЛҒАН АКЦИЯ ӨТТІ. 2016
 
Акцияны Чернобыль ардагерлері мен мүгедектері ШҚО Кеңесінің қатысуымен музей-қорық ұйымдастырды.
ЧАЭС-тегі апаттың салдарын жоюға қатысушылар, қайтыс болған жоюшылардың туыстары және жәй ғана қалалықтар 1986 жылғы сәуірдегі қайғылы оқиғаны еске алу үшін акцияға жиналды.
ШҚО музей-қорығы әскери экспозициясының плацындағы акцияның ашылуында Чернобыль ардагерлері мен мүгедектері ШҚО Кеңесінің Өскемен қаласы бойынша бастамашыл тобының өкілі Андрей Смолин сөз сөйледі, ол қайғылы оқиғасымен әйгілі болған атом станциясында екі мәрте, 1986 және 1987 жылдары жоюшылық жұмыстарға қатысқан.
Виртуалдық музейдің ғажайыптарын ауылдықтар тамашалады. 2016
  
Қазақстан Республикасы Тәуелсіздігінің 25 жылдығы, ШҚО қалалары мен аудандары өңіраралық ынтымақтастығы аясында, сондай-ақ ШҚО мәдениет және мұрағат қызметкерлері алқасының 2016 жылғы 03 наурыздағы отырысының хаттамалық тапсырмасын орындау үшін 2016 жылғы 20 сәуірде Ұлан ауданы Украинка ауылына сапарға шығу іс-шарасы ұйымдастырылды.
Іс- шара Ұлан ауданы Украинка орта мектеп-кешен-балабақша базасында өткізілді, оған Ұлан ауданының Украинка, Герасимовка және мектебі жоқ Казачье елді мекендерінен балалар жеткізілген болатын, сөйтіп 120 оқушы қатысты.
Іс-шара бағдарламасы бойынша: Санкт-Петербург қаласындағы Мемлекеттік Орыс музейінің «Суретке кіру» мультимедиалық бағдарламасымен, Михайлов қамалымен таныстыру; дат жазушысы Ханс Христиан Андерсеннің шығармашылығы бойынша Украинка селосындағы мини-орталықтың 0 сынып оқушылары үшін викторинасы бар «Андерсен – ертегілер патшасы» атты танымдық саяхат ұйымдастырылып, «Дюймовочка» мультфильмі көрсетілді.
Ауылдық жерлерде жылжымалы көрмелер ұйымдастыру. 2016
2016 жылдың 12 - 22 сәуірінде халықтық және сәндік-қолданбалы өнер бөлімінің қызметкерлері ауылдық мектептерде 7 жылжымалы көрме ұйымдастырды:
Чернобыль апатын еске алу. 2016
 27 сәуірде сағат 12.00-де музей-қорықтың Солжағалық кешенінде Чернобыль АЭС-ындағы апаттың 30 жылдығына арналған акция өтеді.
Бұл іс-шараға Чернобыль атом электр станциясындағы жарылыстың зардаптарын жоюшылардың қаза болғандарын еске алып, көзі тірілеріне қошемет көрсету үшін қала тұрғындары жиналады, сондай-ақ 1986 жылғы сол бір тауқыметті оқиғаға қатысқандардың өздері де келеді.
Апаттың зардаптарын жоюға аттанған 1 600 мың адамның ішінде 3 мың шығысқазақстандықтар да болған еді. ЕҚБ-ның, «Промсантехмонтаж», «Промэлектрмонтаж» басқармаларының, ҮМЗ-нің, таңдаулы қызметкерлері мен мамандары, 22 МСБ-нің, ШҚО-ның басқа да ұйымдарының медиктері, запастағы әскери қызметшілер қатысқан болатын.
«Нұрлы Бастау» ҚҚ волонтерлері ШҚО музей-қорығында 200-ден астам самырсын, қарағай мен қайың көшеттерін отырғызды. 2016
 
Іс-шара республикалық «Ағаш отырғыз» акциясы аясында өтті, акцияны Өскемен қаласында «Нұрлы Бастау» ҚҚ мен облыстық музей-қорық ұйымдастырған болатын. Волонтерлермен бірге олардың отбасыларының мүшелері де келіпті, барлығы 130-ға таяу адам қатысты.
– Біздің қоғамдық қайырымдылық қор ағаш отырғызу жөніндегі акцияны үшінші мәрте өткізуде. 2014 жылы біз музей-қорық директоры Николай Зайцевке осы бастамамен келіп, одан қолдау таптық. Өткен жылдары егу материалын өз есебімізден сатып алатынбыз, ал биыл оны музей берді, – деді «Нұрлы Бастау» ҚҚ директоры Сымбат Зейнел.
Жүз шығысқазақстандық-жасөспірімдер қолдарына компас пен карта алып, Комсомол аралы бойынша жүгіріп өтті. 2016
  Өскемендегі мұражай-қорықтың жастар экологиялық кешенінің аумағында мектеп пен колледж оқушыларының арасында спорттық бағдарлай білуден ҮІІІ облыстық жазғы спартакиада өтті.
- «ШҚО спорттық бағдарлай білу федерациясы» ҚҰ–мен бірлесіп ұйымдастырылған жарысқа Өскеменнен, Аягөз, Шемонаиха, Тарбағатай, Үржар мен Глубокое аудандарынан келген жүзден аса оқушы қатысты,- деп хабарлады мұражай-қорықтың жастар-экологиялық бөлімінің меңгерушісі Қазбек Үстеміров.
Артиллериялық аллея келушілерді қарсы алуға дайындалуда. 2016
Мұражай-қорықтың Солжағалық кешеніндегі әскери экспозиция жазғы маусымның ашылуына дайындықты әдетте сәуір айында бастайды. Мұндағы тарихи-мемориалдық кешеннің аумағы мен авиаалаңда санитарлық тазалаудан басқа, көктемгі қалпына келтірушілік жұмыстар жүргізіледі.
Ашық аспан астында тұрған көлемді жәдігерлер жарты жылға созылған қолайсыз ауа райымен «шайқастан» соң, ең алдымен сырлауды қажет етеді. Әскери техника күн көзі көрінгенде жарқырап, жалт-жұлт етіп тұруы тиіс, мұның өзі мықты әскери тәртіптің үлгісі болып табылмақ.
Масленицадағы көшелік сауық-сайран. 2016
  Шығыс Қазақстан облыстық мұражай-қорығының орыс этнографиясы бөлімі Ертістің сол жағасындағы этноауылда Өскемен қаласының 4-ші, 9, 10, 25, 29 және 30-шы мектептерінің 0-5 сынып оқушылары үшін Масленица мерекесіне орайластырып, 3 - 11 наурызда костюмдендірілген музыкалы іс-шара өткізді. Бұл іс-шара мақсаты ертеден келе жатқан халықтық дәстүрмен балаларды таныстыру болып табылды. Мектептердің оқушылары осы мереке, оның тарихы, соның ішінде орыс этнографиясы бөлімінің Шығыс Қазақстан аймағында жүргізген далалық зерттеулері негізінде анықталған жөн-жоралғылары мен дәстүрлері туралы көп нәрсеге қанықты. Іс-шара бағдарламасында Масленица тұлыбының айналасында хороводпен жүрулер, сыпыртқы мініп жарысулар, арқан тартулар, «Блин пісіреміз», «Пималар, пималар», «Трифон ағай» ойындары ұйымдастырылды, блиндерден дәм татқызып, Масленицаның тұлыбы өртенді. Балалар мәз-майрам болып, өте разы болып тарасты.
«ШҚО халықтарының материалдық және рухани мәдениеті» жылжымалы көрмесі, «Шуақ» б/б. 2016
   15.03.2016
«ШҚО халықтарының материалдық және рухани мәдениеті» жылжымалы көрмесі, «Шуақ» б/б.
Наурыз әлемді шарлауда! 2016
 
14 наурызда сағат 15.00-демұражай-қорықтың Қасым Қайсеновкөшесі, 67 мекенжай бойынша орналасқан ғимаратында «Наурыз әлемді шарлауда!» атты көрме ашылды, бұл көрме Иран Ислам Республикасының Қазақстан Республикасындағы елшілігінің мәдени орталығымен бірлесіп ұйымдастырылды.
Наурыз мейрамы – көктемгі Жаңа жыл мерекесі жер бетіндегі ең көне мейрамдардың бірі болып табылады. Оның атауы парсы тілінен аударғанда «ноу» - жаңа және «роуз» - күн деген екі сөзден тұрады. Бұл мерекені ЮНЕСКО адамзаттың материалдық емес мәдени мұрасының тізіміне енгізген. 21 наурызды БҰҰ Бас Ассамблеясы Халықаралық Наурыз күні деп жариялап, ол наурыз айының 21-інен 22-сіне қараған түнде атап өтіледі. Бүгінде бұл күн Қазақстан жерінде тұрып жатқан барлық ұлттардың сүйікті мерекесіне айналып отыр.
Толығырақ...
Аруларға гүл сыйлаңыздар! 2016
 
– Өнердегі әйел тақырыбы ең сүйікті тақырып, әрине басқаша болуы мүмкін емес. Әйел ертеден бері әлі осы күнге дейін тағзым етіп, бас иетін тұлға. Баршамызға таныс – Жер, Отан, Ана, Махаббат және Нәзіктік деген ұғымдардың бәрі әйел затымен тығыз байланысты. Бұл көрме әйел адамды барлық қырынан көруге мүмкіндік береді: кішкентай қыз бала, бойжеткен, жас келіншек, қамқор ана, әрі дана әже және де осылардың қай-қайсысы болсын керемет. Көрмеге 100-ге таяу еңбек қойылған, олар кескіндеме, графика, мүсін техникасы мен 3D үлгісінде орындалған – дейді мұражай-қорық директорының көрме-экспозиция жұмысы жөніндегі орынбасары Тамара Быкова.
Толығырақ...
|
|
жаңалықтары
