2023 жылғы 9 маусымда Шығыс Қазақстан облыстық сәулет-этнографиялық және табиғи-ландшафттық музей-қорығының Солжағалық кешені аумағында ШҚО мәдениет басқармасының қаржылай қолдауымен "Шығыс кәдесыйы-2023" фестиваль-конкурсы өтті.

Фестивальдар-қолөнер конкурстарын өткізу дәстүрге айналды, жыл сайын іс-шараның орны мен мәртебесі ауысып отырады. Мысалы, 2009 жылы Өскеменде "Шығыс кәдесыйы" 1-ші республикалық фестиваль-конкурсы өтті, оған Қазақстан Қолөнершілер одағының өкілдері мен Алматы, Қарағанды, Ақтөбе, Қызылорда, Шымкент, Павлодар облыстарының шеберлері шақырылды. Содан кейін фестиваль-байқауға 50-ден астам қолөнерші қатысты. Сол жолы. 2011 жылы Семей қаласында Қазақстанның түкпір-түкпірінен, сондай-ақ, таяу шетелдерден: Ресей, оның ішінде Татарстаннан, Қырғызстан, Моңғолия, Қытайдан 60-қа жуық қолөнершіні жинаған "Асыл мұра" атты халықаралық фестиваль-конкурсы ұйымдастырылды.

Бүгін өткен облыстық фестиваль-конкурсқа облыстың қалалары мен аудандарынан 60-тан астам шебер мен қолөнерші қатысты.

2023 жылдың 19 мамыры күні музей-қорықта музейдің мерейтойына арналған «55 жыл достар ортасында» атты жыл сайынғы «Музейдегі түн» акциясы өтті. Қ. Қайсенов атындағы саябақтың орталық сахнасы маңына жиналған қала тұрғындары мен қонақтарды вокалдық және би ұжымдарының мерекелік концерті күтіп тұрды. Саябақтың этноауылында орыстың қима бөренелерінде отырып, қоспа шәй мен ескі орыс рецептерімен жасалған  құймалар ішуге болатын еді. О. Бөкей үйінің жанында «Шабыт» студенттік театрының орындауындағы жазушының шығармаларынан үзінділер тыңдау мүмкіндігі туды. Сауда қатарында мерекенің барлық қонақтарын қолдан пісірілген кондитерлік өнімдер мен самауырдың шәйі күтіп тұрды. Саябақ алаңдары мен музей ғимараттарында ойын-конкурстық бағдарламалары, шыныға сурет салу, қол өнері, халық және үнді билері бойынша шеберлік дәрістері, сондай-ақ, флэш-мобтар, викториналар және музей экспозициялары бойынша экскурсияларф өтті.

2023 жылғы 26 сәуір мен 11 мамыр аралығында Ақпараттық-ағарту бөлімінің қызметкерлері Ш. М. Карибаева, Асыл А. ҰОС Жеңісінің 78 жылдығына, сондай-ақ Қ. Қайсеновтың туғанына 105 жыл толуына, ШҚО бірінші әскери ұшқышы Ж. Малдыбаевтың 116 жылдығына арналған " Бұл күндердің даңқы өшпейді" атты іс-шараларды Өскемен қаласының №7,9,38,39,9  мектеп оқушылары үшін өткізді. Келушілердің назарына музей-қорықтың қор коллекциясынан алынған экспонаттардан шағын көрме ұсынылды: ҰОС ардагері, ҚР бірінші Қорғаныс министрі С. Нұрмағанбетовтың салтанатты кителі, әскери гимнастерка, фуражка және пилотка,  Е.Ф. Неделеявтың Германия мен Жапонияны жеңгені үшін орден мен медаль; әскери фляжка және Қ. Герасимовтың трофейлік қасығы; әскери сөмке және оқ салуға арналған сөмкеше, командир планшеті.

2023 жылғы 25 сәуірде музей-қорықтың ақпараттық-ағарту бөлімінің қызметкерлері Ш. М.Карибаева, Асыл А. Абай атындағы Шығыс Қазақстан гуманитарлық колледжінің студенттерінің қатысуымен әнші-орындаушы, Абай облысының тумасы Әміре Қашаубаевтың туғанына 135 жыл толуына орай "Парижді жаулап алған дала дауысы" атты іс-шара өткізді.   Іс-шарада Ә.Қашаубаевтың тірі кезінде жазылған әндері шырқалды, сондай-ақ музей-қорықтың қор коллекциясынан шағын көрме ұсынылды.  Іс-шараны қамту 28 адам.

Достық үйінің жанындағы алаң – Қоғамдық келісім орталығы орыс ұлттық тағамдарының көрмелері қойылған орынға айналды, олардың арасында «жаворонки», «тетёры» сияқты тағамдар пісірді, көктемгі күн мен түннің теңелуі күніне дәстүрлі түрде дайындалды және бұл біздің күндерімізге дейін ежелден келе жатыр. Олардан бөлек құймақ, бәліш және т.б. да дәстүрлі тағамдар дайындалды, сондай-ақ самауырдан шай ұсынылды. Мерекеде «Шеңберде қаптармен күрес» атты дәстүрлі орыс әзіл байқаулары ұйымдастырылды. Бұл орыс ойыны Масленица сияқты жаппай орыс мерекелерінде өтті. Балалар бұл жарыстарға ықыласпен қатысып, көрермендерді қуантты және қатысқаны үшін сыйлықтар алды. Қамту: 1500 адам.

2023  жылғы 13-17  наурыз аралығында Өскемен қаласының №11, №19, №34, №36 мектеп оқушылары; Абай атындағы Шығыс Қазақстан Гуманитарлық колледжінің 1 курс студенттері үшін мұражай-қорықтың ақпараттық-ағарту бөлімінің қызметкерлерімен мерекенің тарихы мен салт-дәстүрлері туралы әңгімелеп, мұражай-қорықтың қор жинақтарындағы экспонаттарды көрсете отырып "Наурыз – бейбітшілік пен ізгілік мейрамы" ақпаратты-сауықтық іс-шаралар өткізілді. Іс-шаралар  ұлттық ойындарымен және конкурстарымен сүйемелденді. Іс-шараларға 270 адам қатысты.

Терең дәстүрлі құндылықтардың қайнар көзі және ұлттың бірегейлігін құрудың жоғары шоғырландырушы әлеуеті мен тетігі бар аса маңызды бүкілхалықтық мерекелердің бірі – Наурыз мейрамы қарсаңында музей-қорық директорының ғылыми жұмыс жөніндегі орынбасары Гүлжан Кашакуқызы облыстық «Алтай» телеарнасының және «Дидар» газетінің журналисттерімен кездесті. Қазақ халқының салт-дәстүрлері мен әдет-ғұрпы жайлы әңгімеледі. Осы орайда, музей-қорықтың Солжағалық кешенінде қазақ халқының салт-дәстүрлері мен әдет-ғұрыптарын насихаттау мақсатында көпшілік іс-шаралар, дәрістер, тақырыптық және шолу экскурсияларын үнемі  өткізілетінін баяндады. Жаз мерзімінде қазақ ауылында тұсаукесер, беташар дәстүрлері көрсетіліп, қымызмұрындық, ұлттық домбыра күні сынды халықтық мерекелер тойланатыны тілге тиек болды. Әңгіме арқауы атқарылған істер болса, алдағы уақытта атқарылатын жұмыс жоспарымен де бөлісті. Сөз соңында, Солжағалық этнографиялық кешен қазақстандық отансүйгіштікке тәрбиелеуге, достық пен келісімді нығайтуға, дәстүрлерді, салт-саналар мен әдет-ғұрыптарды жаңғыртуға өзіндік үлес қосып отырғанын баса айтты.

2023 жылы 14 наурызда халық және сәндік-қолданбалы өнер бөлімінің ғылыми қызметкері Ж.Т. Рахатова «ШҚО Балалар және жасөспірімдер» кітапханасында «Амал» мерекесі немесе Көрісу күніне орай жылжымалы «Дәстүр мен тарих» атты жылжымалы көрме ұйымдастырып өткізді. Көрмеде музей-қорық қорының дәстүрлі және сәндік-қолданбалы өнер бұйымдары келушілер назарына ұсынылды. Әрбір туындының дәстүрі мен тарихы жайлы мағлұмат берілді.

2023 жылдың 1-20 ақпан аралығында Ақпараттық-ағарту бөлімінің қызметкерлері Өскемен қаласының № 7, 11, 18, 19, 29, 34, 36, 38, 39, "Калейдоскоп" балалар сауық орталығы оқушыларына арналған "Қош келдің Масленица! Масленица тақырыбындағы орыс суретшілерінің картиналары» экскурсияларын өткізді.

Экскурсия мерекенің тарихы мен дәстүрлері туралы әңгімемен сүйемелденді. Келушілер В.И.Суриков, К. Е. Маковский, Б. М. Кустодиев, П. Н. Грузинский сияқты орыс суретшілерінің Масленица тақырыбындағы суреттерімен танысты. Сондай-ақ, балалар арнайы дайындалған мерекелік викторина мен халық ойындар мен жарыстарға қатысты. Іс-шара соңында барлық балаларға арналған масленица тақырыбындағы мерекелік мультфильм көрсетілді. Іс-шараны қамту: 506 адам.

2023 жылғы 17 ақпанда ғалым, публицист, қазақ мәдениетінің білгірі, мәдени революцияның белсенді қатысушысы, талантты ұйымдастырушы, КСРО-ның көрнекті мемлекет қайраткері, Қазақ КСР - нің 1-ші ағарту халық комиссары Темірбек Жүргеновтің 125 жылдығына арналған дөңгелек үстел отырысы өтті.

2023 жылдың 16 ақпанында музей-қорықта Сеулдегі Донгук университетінің профессоры, Әлеуметтік ғылымдар колледжінің президенті, Жаһандық мәдени зерттеулер жөніндегі Корей қауымдастығының президенті Ким Джун Гван қонақ болды. Музей-қорық директоры, Шығыс Қазақстан корейлер қауымдастығының төрағасы Тен Арсен Владимирович Шығыс Қазақстанда тұратын корейлердің салт-дәстүрін сақтау және насихаттау мақсатында ұйымдастырылатын іс-шаралармен таныстырды. «Біз – Қазақстан халқымыз» экспозициясы бойынша халықтар және азсанды этнотоптар этнографиясы бөлімінің кіші ғылыми қызметкері А.Григорьева экскурсия жүргізді. Сондай-ақ, Шығыс Қазақстан облыстық тарихи-өлкетану музейі мен Халифа Алтай мешіті жанындағы Ислам мәдениеті музейіне экскурсия ұйымдастырылды.

2023 жылғы 9 ақпанда Орыс мұражайының мультимедиа орталығында Ресей және ТМД елдерінің музейлерінің өкілдері қатысқан ауқымды музейаралық жобаның онлайн-тұсаукесері өтті.

Санкт-Петербург қаласы Мемлекеттік орыс музейінің "Орыс музейі: виртуалды филиалы" халықаралық жобасы және ынтымақтастық аясында Шығыс Қазақстан облыстық сәулет-этнографиялық және табиғи-ландшафтық музей-қорығының ақпараттық-ағарту бөлімінің меңгерушісі Шынар Карибаева қазақстандық музейлер арасында көрмені ұйымдастырып, модератор болды.  Жұмысқа Шығыс Қазақстан облыстық сәулет-этнографиялық және табиғи-ландшафтық музей-қорығы, Ш. Сариев атындағы Атырау облыстық көркем сәндік-қолданбалы өнер музейі, Қарағанды облыстық бейнелеу өнері музейі,  Алматы қаласындағы Қазақстан Республикасының Ә. Қастеев атындағы мемлекеттік музейі қатысты.