2017 жылғы 16 наурызда Қ. Қайсенов көшесі, 67, Шығыс Қазақстан облыстық сәулет-этнографиялық және табиғи-ландшафттық музей-қорығында сәндік-қолданбалы өнерінің «Наурыз нақыштары» атты көрме ашылды.

Шығыс Қазақстан облыстық сәулет-этнографиялық және табиғи-ландшафттық музей-қорығында  8 наурыз қарсаңында павловопосад басорамалдарының көрмесі ашылды. Ол облыстық музей-қорық пен Ресейдің халықаралық «Ұлы жібек жолы» мәдени-экономикалық ұйымы арасында орнатылған Достық көпірі аясында ұйымдастырылды.

2017 жылғы 3 наурызда жыл сайынғы Қазақстан Республикасы Тұңғыш Президенті – Елбасы Қоры Сыйлығының лауреаттарын марапаттау салтанаты өтті. Елбасы Қоры Сыйлығы 2008 жылы бекітілген. Осы уақыт аралығында 160-тан астам қазақстандық Елбасы Қоры Сыйлығының лауреаты атағын алыпты.

Биылғы жылы ғылым мен техника, мәдениет пен өнер саласындағы үздік жоба конкурсына 127 үміткер қатысты. Музей-қорықтан сирек кітаптар және икона жазу бөлімінің ғылыми қызметкері Гүлжан Кашаку «Шығыс Қазақстан облысы ақын-жазушыларының шығармашылық мұрасының музей-қорықта зерттелуі мен насихатталуы» тақырыбындағы жобасымен қатысты.

 3 наурызда музей-қорықтың М.Горький көшесіндегі 59 ғимаратында орналасқан «Алтай» галереясында суретші Тоғхан Оспанованың «Әйел көзқарасы» атты дербес көрмесінің ашылуы болып өтті.

Ол картиналардың ішінде лирикалық пейзаждар, аңсауға толы зсселер, толыққанды натюрморттар, суретті-портреттер мен әдемілік пен тамаша көңіл күйден сыр шертетін гүлдер тоғысқан. Аталған экспозиция ең  әсем мерекелердің бірі Халықаралық әйелдер күні –  8 наурызға арналып, 50-ге тарта талантты да дарынды жерлес әйелдердің болмысын арқау етеді.

Өткен жылдың күзінде музей-қорықтың Солжағалық кешенінде теңбіл бұғылар төлдеп, көпшілікті қуантқан болатын. Сол үш қодықаның өмірге  келгеніне міне, алты айға жуықтады. Қазір олар өздерін әбден еркін сезінеді.  Десе де олар мұндағы қызықтаушылардан өздерін бөліп тұрған торға жақын барудан жасқанады.

7 ақпанда музей-қорықтың Қасым Қайсенов көшесі, 67 ғимаратында жерлестеріміздің сан түрлі әуесқойлықтарымен таныстыратын «Бәрі де өз қолыңда» атты коллекциялар көрмесі болып өтті. Көрмеде келушілер назарына әр түрлі техникалар мен жанрда жасалынған 200-ге тарта экспонат ұсынылды.

2016 жылғы 11 желтоқсанның таңы  музей-қорықтағы фауна бөлімінің меңгерушісі  Зайнитдин Шәмшиев үшін қызық оқиғамен басталды. 

– Өскемен қаласының Солжағалық ауданындағы полицейлік учаскелік инспектор балабақшаның ауласында сілеусін жүр деп хабарлады. Ең  алдымен бұл жыртқыш аңды  қардан жол тазалауға шыққан аула сыпырушы байқаған екен. Сасқалақтаған ол оның қандай аң екенін айыра да алмай қалған. «Бізде, сәкіде бір аң отыр және ырылдайды!» – осындай хабармен ол полицияға барыпты, – деді З. Шамшиев.

Адасып қалған аңды ұстауға зообақтың мал дәрігері мен екі жұмысшысы барған. Ал ол кішкентай сілеусін болып шықты, соның өзінде адамдарды ырылдап қарсы алды, торды айналып өткен ол қаша арқылы қашып кетуге ұмтылды. Бөгелуге болмайтынын түсінген жұмысшының бірі аңның соңынан күпәйкесін лақтырып жіберді, сөйтіп теңбіл аңды жауып қалған киім оның жолын кесті. Зообаққа жеткізілген бұл жыртқыш аңның әлі бір жасқа толмағаны анықталды.

2016 жылғы 21 желтоқсанда ғылыми-ағарту және көпшілікпен жұмыс бөлімінің мамандары Өскемен қаласының кіші жастағы балалары үшін дәстүрлі жаңажылдық таңертеңгілік өткізді. Театрландырылған қойылым Қ. Қайсенов көшесіндегі көрме корпусының залында өтті. Таңертеңгілікке №4 орта мектептің оқушылары қатысты.     

Қар Ханымы Жаңажылдық Түн Сиқыршысынан сиқырлы сағатының минуттық тілін тартып алып, Жаңа Жыл ешқашан басталмасын деп уақытты тоқтатып қойды. Қаршалар Ақшақарға шағымданады, бірақ Ақшақар Жаңажылдық Түн Сиқыршысымен балаларды мұңаймауға және көңілденіп би билеуге шақырады. Сол кезде Аяз Ата көмекке келіп, балаларға жоғалтып алған сағат тілін қайтарып береді. Балалар қуанып, таңертеңгіліктің кейіпкерлерімен ойын ойнап, шыршаны айналып ән салып, би билеп, Аяз Ата мен Ақшақарға тақпақтар оқиды. Таңертеңгілік жаңажылдық құттықтаулар мен сыйлықтар таратумен аяқталады.     

Астанада өткен конкурста Өскемен мен Семей қалаларынан барған қолөнершілер өз жұмыстарын тек аталым бойынша ғана емес, мерекелік жәрмеңкеде де көпшілікке ұсына алды.

Шығысқазақстандық шеберлерді республикалық «Шебер-2016» байқауына апаруды музей-қорықтың СҚӨ бөлімінің аға ғылыми қызметкері және ШҚО ҚРО-ның үйлестірушісі Райса Мұхамеджанова ұйымдастырды.

2016 жылғы 15 желтоқсанда орыс этнографиясы бөлімінің аға ғылыми қызметкері А.С. Мышко мен осы бөлімнің ғылыми қызметкері Р.Ю.Нечаев ҚАЕУ колледжінің «Туризм менеджменті» мамандығы бойынша оқитын студент-практиканттары үшін «Жастар» саябағының этноауылындағы тұрақты экспозициялар және Қ.Қайсенов көшесі, 67 ғимаратындағы көрмелер бойынша таныстыру экскурсиясын өткізді.

2016 жылғы 8 желтоқсанда музей-қорықта Қазақстан Республикасы Тәуелсіздігінің 25 жылдығына арналған «25 жұлдызды күн» акциясының аясында  «Исток» мектебінің оқушылары үшін «Алаш» арыстарына арналған лекция өтті. 2016 жылы «Алаш» партиясының жетекшісі Әлихан Бөкейхановтың туғанына 150 жыл толды,   2017 жылы  - «Алаш» партиясының 100 жылдығы атап өтілмек. Оқушылар «Алаш» арыстарының өмірбаяндарынан, Алаш автономиясы үшін күрес тарихынан хабардар болды. Қазақстандағы ұлт-азаттық қозғалыстың басында тұрған Алаш арыстарының мерейтойларымен Қазақстан Республикасы Тәуелсіздігінің 25 жылдығы мерекесінің сай келуінің өзі жақсылықтың нышаны болса керек.

«25 жұлдызды күн» акциясының аясында 6, 13 желтоқсанда ҚАЕУ мен ТЭК колледжінің студенттері үшін музей-қорықта «Президент пен халық біртұтас» тақырыбында лекция оқылды.

Саяси тарих президенттік институттың мемлекеттер өміріндегі айрықша маңызы туралы айғақтайды. ҚР Президентінің ерекше мәртебесі және өкілеттігіне сәйкес, оған заңдылықтың және қоғамдық игіліктің  сақталуы үшін айрықша жауапкершілік жүктелген, бұл орайда президент конституциялық құрылыс негіздерінің, мемлекетіміздің азаматтары құқықтарының және бостандықтарының тұрақтылығы үшін кепіл болып табылады.