2013 жылғы 3 мамырда Солжағалық кешен аумағындағы көрмелік Үлкен павильонда Қазақстан Республикасындағы Қытай Халық Республикасы Елшілігінің көмегімен ұйымдастырылған «Мәдениет қанатында» атты көрме ашылды.

Көрермендердің назарына ҚХР Мәдениет министрлігі «Синьхуа» ақпараттық агенттінің, Чэнду қалалық әкімшілігі баспасөз орталығының, Сычуань провинциясының, Конфуций институтының (Индианаполис қаласы, АҚШ) 49 фотосуретшілерінің 60 фотожұмысы  ұсынылған. Бұл фотоеңбектер келермендерді қазіргі заманғы Қытай  мәдениетінің соңғы 10 жылда жедел даму процесімен таныстырады. Фотосуреттер Қытай үкіметінің мәдениет мәселелері бойынша мәжілістері туралы, мемлекеттік дәрежедегі негізгі мәдени нысандардың, қатардағы кітапханалар мен Брайль кітапханаларының бірқатары туралы, Қытай қалалары мен провинцияларында, сондай-ақ одан тыс жерлерде өткізілетін мұражайлық және театрлық іс-шаралар, эпикалық қойылымдар, театрлардың, кинотеатрлардың ашылуы туралы, ашық шығармашылық алаңдар жайында сыр шертеді.

Бүкіл дүниежүзілік мұра тізіміне енген мәдени ескерткіштерді қорғауға арналған фотоеңбектер ерекше назар аудартады, олар: Ханчжоудағы Сиху көлінің табиғи ландшафты, «Аспан мен Жер кіндігі», «Қытай бедері Данься» тарихи-монументті ансамблі, жұртқа әйгілі  көлеңкелер театрының түрлі-түсті қуыршақтарының мүсіншелері, 1,5 ғасырлық тарихы бар дәстүрлі «Дуаньу» мерекесі. Бірқатар фотосуреттердің қызығушылық туғызары анық оларда мыналар бейнеленген: Қытайда ашылған негізгі 4 жаңалықтың бірі – жылжымалы қәріптермен кітап басып шығару, тибет кескіндемесінің жанры – танка. Фотосуреттердің бір бөлігі Қытай мен сыртқы әлем арасындағы мәдени алмасу туралы әңгімелейді, бұл ел қазірде 149 мемлекетпен ынтымақтастық орнатқан.

Фотографии Мазницина А. А.