«Н.Ә. НАЗАРБАЕВ – ҰЛТ КӨШБАСШЫСЫ» көрмесі Қазақстан Республикасының Тұнғыш Президенті күніне арналған.

Қазақстан 2013 жылғы 1 желтоқсанда мемлекеттік мереке  - Тұңғыш Президент күнін атап өтеді. Нұрсұлтан Назарбаев – дәуір символы және дана саясаткер. Тұңғыш Президент күні Ұлы стратегтің, дипломаттың әрі реформашының орасан зор еңбегінің Заңды нәтижесі болып табылады.

Қазіргі заманның ақиқатында мемлекеттің ерекше дәрежесі оның көшбасшысының жеке тұлғасымен айқындалады, ол бүкіл қалыптасу кезеңінде ел дамуының бағытын айқындайды. Мемлекетіміздің басшысы – ұлт көшбасшысы Нұрсұлтан Назарбаев Қазақстан үшін, сөзсіз, осындай тұлға болып табылады. Шығыс Қазақстан облыстық сәулет-этнографиялық және табиғи-ландшафттық мұражай-қорығы Тұңғыш Президент күнін елбасы Н.Ә.Назарбаевтың 2005-2013 жылдары Шығыс Қазақстанда болуының негізгі сәттерін бейнелейтін фотокөрмемен атап өтеді. Көрме Президенттің Қазақстан үшін стратегиялық  өнеркәсіптік маңызды нысандарда болуы туралы ғана емес, сондай-ақ оның ардагерлермен, студенттермен, кәсіпкерлермен және біздің жеріміздің тұрғындарымен кездесуінен сыр шертеді. Әрбір уақыттың, заманның өзінің көрнекті тұлғалары болады, қазақстандықтар үшін ол – ел Президенті Нұрсұлтан Назарбаев. Қазақстан халқын біріктірген және ел ынтымақтастығын жарастырған тұлға.

Мұражай-қорықтың М.Горький көшесі, 59 бойынша ғимараты

т.26-31-59