Художник Назыров (1909-1989)

Айтулы үш күнге байланысты: Қазақстан Республикасының Конституциясы күніне, қала күніне және суретші З.С. Назыровтың 105-жылдық мерейтойына орай Шығыс Қазақстанның облыстық сәулет-этнографиялық және табиғи ландшафттық мұражай-қорығының қызметкерлері Пушкин атындағы облыстық кітапхана фойесінде автордың портреттік жұмыстарының тұрақты көрмесі ұйымдастырылды. Бұл жұмыстар Шығыс Қазақстан облысының облыстық атқарушылық комитетінің тапсырысы бойынша 1970-ші жылдардың екінші жартысында салынған көрінеді. Облыстық мұражай-қорығында суретші З.С.Назыровтың 39 жұмысы сақтаулы. Бұл Абай Құнанбаев, Жамбыл Жабаев, Ыбырай Алтынсарин, Шоқан Уалиханов сияқты атақты тұлғалардың, сондай-ақ әртүрлі кәсіптің қарапайым адамдарының, Кеңес Одағы батырларының және социалистік еңбек ерлерінің портреттері.

Облыстық кітапханада ұйымдастырылған көрмеге 14 портрет қойылды, көрме қыркүйек айы бойы жұмыс істейді.

1. Мұхтар Әуезовтің портреті

2. Кендірлік совхозының шопаны Сіләмбек Жуанханов

3. Ыбырай Алтынсариннің портреті

4. Шоқан Уәлихановтың портреті

5. Жамбыл Жабаевтың портреті

6. Өскемен қаласы № 1 мектебінің директоры Василий Семенович Крыгиннің портреті

7. Кеңес Одағының батыры Петр Федорович Кольцовтың портреті

8. КПСС-тің 22 съезді атындағы совхоз сауыншысы Аскен Мұстакенованың портреті

9. Марқакөл совхозының шопаны Құрманғали Аманжоловтың портреті

10. Багратион совхозының механизаторы Михаил Макарович Ефимовтың  портреті

11. № 2-ші АКК жүргізушісі Петр Николаевич Агаповтың портреті

12. Лениногор барлау экспедициясының бұрғы шебері Александр  Поликарпович Урюпиннің портреті

13. ТҮСТІМЕТБҒЗИ директоры Лев Соломонович Тецкиннің портреті

14. ӨМК электролизнігі Иван Николаевич Амелденконың портреті

Бакыт Кумарова

Фото Алексея Мазницина