Қазақстан Республикасы Мәдениет және ақпарат министрлігі мен Түркия Республикасы Мәдениет және туризм министрлігінің бастамасымен, Түрік Ынтымақтастық және Үйлестіру агенттігінің (ТІКА) қолдауымен ұйымдастырылып отырған «Қазақстан Республикасы музейлерін цифрландыру» халықаралық семинарына Шығыс Қазақстан облыстық архитектуралық-этнографиялық және табиғи-ландшафтық музей-қорығының қызметкері қатысуда. Шара 2026 жылдың 22-26 маусымы аралығында өтіп жатыр. Семинар барысында мамандар мәдени мұраны сақтаудың заманауи технологиялары мен халықаралық цифрлық тәжірибелерді меңгеруде.

Қосымша фотосурет ...

Шығыс Қазақстан облыстық этнографиялық музейінің қызметкерлері «Заң мен тәртіп» тұжырымдамасы аясында М.Шаяхметов атындағы № 23 орта мектеп оқушыларына арнап «Жазушылар құпиясы» атты танымдық іс-шара өткізді.

Қазақстан Республикасының Мәдениет және ақпарат министрлігі дарынды жастарды қолдау және оларды одан әрі ынталандыру мақсатында «Дарын» мемлекеттік жастар сыйлығын (бұдан әрі - Сыйлық) тағайындауға байқау басталғаны туралы хабарлайды.

Ағымдағы жылдың аяғына дейін 10 номинация бойынша лауреаттар анықталатын болады. Сыйлық туралы хабарландыру Министрліктің ресми сайтында https://www.gov.kz/memleket/entities/mam/press/news/details/1242087?lang=kk сілтемесіарқылы орналастырылған.

Аталған конкурсқа өтінімдер ұсыну 2026 жылдың 17 маусымынан бастап 17 қыркүйек аралығында жүргізіледі.

Байқау келесі 10 номинация бойынша өтеді:

2026 жылғы 10 маусымда ШҚО этнографиялық музейінің қызметкерлері «Жұлдыз» жазғы мектебінің оқушыларына, № 43 мектеп-лицейінің жаныңдағы жазғы лагерь балаларына (көрнекті абайтанушы Қайым Мұхамедхановтың туғанына 110 жыл толуына орай) «Абай рухы – Қайым мұрасы» атты іс-шара өткізді. Іс-шара барысында оқушылар жазушының шығармашылығы бойынша танымдық дәріс тыңдады.   Сондай-ақ оларға «Қайым Мұхамедхановтың өмірі мен шығармашылығы этнографиялық музейдің қор топтамасында» атты көшпелі көрме ұсынылды.

2026 жылғы 10 маусымда Шығыс Қазақстан облыстық этнографиялық музейінің Қ.Қайсенов атындағы этнобағында «Қымызмұрындық» іс-шарасы өтті.

Қымыздың дайындалу тәсілімен таныстыру, ұлы даланың қастерлі сусынына қатысты салт-дәстүрлерді насихаттау мақсатында ұйымдастырылған іс-шара қонақтарға көтеріңкі көңіл-күй сыйлады.

Іс-шара барысында «Нұр-Алтай» және «Қарлығашым» би ұжымдары, «Жаңғыру» шығармашылық орталығы, Достық үйі – қоғамдық келісім орталығының «Ақниет», «Атамұра», «Дея» ансамбльдері, әншілер Қуаныш Оралбаев және Аслан Шыңғысбекұлы өнер көрсетті.

Шара аясында көрермендерге викторина сұрақтары қойылып, бал қымыз ұсынылды.

Қосымша фотосурет ...

2026 жылғы 29 мамырда Шығыс Қазақстан облыстық этнографиялық музейінде Халықтар этнографиясы және аз санды этникалық топтар бөлімінің ұйымдастыруымен саяси қуғын-сүргін және ашаршылық құрбандарын еске алу күніне арналған «Қасіретті жылдар жаңғырығы» атты дөңгелек үстел өтті.

Іс-шараның мақсаты – ХХ ғасырдың 20–50-жылдарындағы саяси қуғын-сүргін мен депортация жылдарының тарихи шындығын насихаттау, жазықсыз жапа шеккен азаматтардың есімдерін ұлықтау, тарихи жадыны сақтау және өскелең ұрпаққа отансүйгіштік тәрбие беру.

Шараға Сәрсен Аманжолов атындағы Шығыс Қазақстан университетінің студенттері Айым Смағұлова, Жаннұр Ордабай және магистрант Сайдахмет Нұртай Болатұлы қатысып, «Қуғын-сүргін құрбандары: дерек пен дәйек» тақырыбында баяндама жасады. Баяндама барысында архивтік құжаттар мен тарихи деректер негізінде қуғын-сүргін жылдарындағы оқиғаларға жан-жақты тоқталды.

Толығырақ ...

2026 жылғы 1-15 маусым аралығында ШҚО этнографиялық музейінің ақпараттық-ағарту бөлімінің қызметкерлері Өскемен қаласының мектеп жанындағы лагерьлерінің балаларына арналған «Ойна да күл, шаттан!» атты танымдық-демалыс іс-шарасын өткізеді.

Іс-шара аясында балалар үшін қуаныш, шығармашылық және мерекелік көңіл күй атмосферасы құрылды, сондай-ақ қызықты ойындар мен танымдық тапсырмалар арқылы олардың ой-өрісі кеңейтіледі. Жас келушілер көңілді байқауларға, қимылды ойындарға, билерге және қызықты викториналарға қатысады.

Қосымша фотосурет ...

Мақаншы ауданының мәдениет үйінде Қазақстан Суретшілер одағының мүшесі, облыс әкімі сыйлығының лауреаты Болат Каримұлы Исиннің «Көркем шежіре» көрмесі ашылып, көрермендерді 2018-2026 жылдар аралығында салынған акварель жұмыстарының сериясымен таныстырды. Көрмені Шығыс Қазақстан этнографиялық музейі мен Абай облысы Мақаншы ауданының мәдениет, тілдерді дамыту, дене шынықтыру және спорт бөлімі бірлесіп ұйымдастырды.

Ашылу салтанатында аудан әкімі Д.Б. Қойгельдинов сөз сөйлеп, суретшіге Құрмет грамотасын табыс етті, сондай-ақ музейге Абай портретін сыйға тартты. Іс-шараға мәслихат депутаттары, суретшінің әріптестері, қолданбалы өнер саласының оқытушылары мен жергілікті тұрғындар қатысты.

Толығырақ...

«Заң мен тәртіп» тұжырымдамасы аясында 2026 жылғы 19 мамырда ақпараттық-ағарту бөлімінің қызметкерлері Өскемен қаласы бойынша білім бөлімінің «Нашар көретін балаларға арналған №14 мектеп-балабақша кешені» КММ оқушылары үшін «Ертегілер музейіне саяхат» атты әлеуметтік-қайырымдылық іс-шарасын өткізді.

Іс-шара барысында барлық қатысушылар үшін қолжетімді әрі қолайлы орта қалыптастыруға ерекше назар аударылды.

Бағдарламаның соңында жас келушілер үшін «Мейірімді ертегілер әлемінде» атты викторина ұйымдастырылды.