2012 жылғы 26 мамырда мұражай-қорықтың Солжағалық кешені этноауылының аумағында «Славян базары» атты фольклорлық фестиваль өтті, ол Славян жазуы мен мәдениеті күнін мерекелеу аясында ұйымдастырылған болатын. Орталық киіз үйдің айналасында самауырлар, сирек кітаптар, жергілікті шеберлердің сәндік-қолданбалы өнері бұйымдарының көрмелері, сондай-ақ киіз үйдің өзінде картиналар көрмелері назарға ұсынылды.

2012 жылғы 25 мамырда мұражай-қорықта Халықаралық мұражайлар күніне арналған «Мұражайдағы түн» акциясы аясында «Мамыр түні» іс-шарасы өткізілді. Осындай іс-шара әлемнің көптеген қалаларында дәстүрге айналған.

2012 жылғы 18 мамырда мұражай-қорықтың М.Горький көшесі, 59 мекенжайдағы ғимаратында «Акварелька» балалар шығармашылығы студиясымен бірлесіп Өскемен қалалық білім беру бөлімінің қолдауымен жыл сайын өткізілетін балалар шығармашылығының «Кенгуренок» конкурсы аясында «Балалық шақ – шағын ел» көрмесі ашылды. Ол Халықаралық балаларды қорғау күніне арналды.

Мұражай-қорықта 2012 жылғы 16 мамырда ұлы үнді ақыны, философы Рабиндранат Тагордың туғанына 151 жыл толуына арналған «Үндістанның ұлы гуманисі» атты іс-шара өткізілді.

2012 жылғы 6 сәуірде мұражай-қорықтың экологиялық ағарту бөлімі Халықаралық «Құстар күніне» арналған «Сәлем, құстар!» атты акция өткізді.

15 сәуірде Жарқын Пасха мерекесіне орай мұражай-қорықтың «Жастар» этнобағында «Пасхалық халықтық мейрам» өткізілді. Ертеректе Пасханың қалай мерекелегнені этнографиялық дәлдікпен көрсетілді.

Қазақстанда Ғашықтар күнін 15 сәуірге ауыстыру жөніндегі бастама Шығыс Қазақстан облысының мәдениет басқармасы тарапынан қолдау тапты. Іс-шара мақсаты: қазақ ұлттық мерекелері мен дәстүрлерін көпшілікке танымал ету.

Осы бір тамаша күн қарсаңында Қозы Көрпеш пен Баян сұлуды еске алу жөнінде өткізілген іс-шараны мұражай-қорық Қазақстандағы Ғашықтар күніне арнады.

«Туған өлкемді жырлаймын» - шығысқазақстандық жазушылардың өскемендіктермен кездесуі Шығыс Қазақстан облысындағы білім беру жүйесінің 80 жылдығына арналды.

2012 жылғы 22 наурызда мұражай-қорықтың «Жастар» саябағында «Наурыз мейрамы» атты театрландырылған мереке өткізілді. Іс-шара қазақ халқының жаңа жылды қарсы алу кезіндегі ұлттық дәстүрлері негізіне құрылған болатын.

26 ақпанда мұражай-қорықтың «Жастар» этнобағында халықтардың Достық Үйімен бірлескен Көктемді, Күнді қарсы алу және Қыспен қоштасу мерекесі – «Масленица» өткізілді. Іс-шараға орыс және славян орталықтарының шығармашылық ұжымдары, сондай-ақ актерлік және шығармашылық топтар тартылған «Кругозор» жастар бірлестігі қатысты. Мерекеге «Ақсай-Нан» ЖШС демеушілік етті. Ол дәм татқызуға арнап өз өнімін ұсынды.

Мұражай-қорықтың «Біз – Қазақстан халқымыз» атты экспозициясында (Қ.Қайсенов көшесі, 67) ұйғыр халқының бірегей мәдениеті туралы сыр шертетін «Ұйғырлар» атты жаңа бөлім ашылды.

Виктор Шевченконыйң «Әлемдер шегінде» көрмесі мұражай-қорықтың М.Горький көшесі, 59 мекенжайдағы ғимаратында ашылған болатын.
Өз бойынан суретші дарынын байқап, өнер әлеміне бар болмысымен берілу – сирек бақыт әрі батыл қадам.
Осындай қалау жасаған суретші Виктор Шевченко өзінің алған бағытынан қайтқан емес, өйткені ол үшін шығармашылықпен шұғылдану дегеніңіз ауамен демалу сияқты табиғи құбылыс.

Толығырақ...