С.М.Киров 1934 жылдың қыркүйек айында Өскемен қаласында болған кезінде қала мен Өскемен ауданы басшыларының назарын аудандық атқаркомның (қазір қалалық сәулет мекемесінің ғимараты) дәл қарсысында... базар алаңы жайғасқанына аударды. Ол оның орнына саябақ жасауға кеңес берді.

1935 жылғы тамызда саябақтың негізі қаланды. Ағаштар отырғызып, саябақ жасау ісіне бақылауды іске асыру үшін Өскемен қалалық атқаркомы Д.Г.Панкратьевті шақырды. 1935 жылдың күзінде 4806 ағаш пен бұта егілді. 1938 жылғы 18 шілдеде саябақтың ортасында С.М.Кировқа ескерткіш ашылды.

«Біздің, комсомолдардың, Өскемен қаласының басқа тұрғындарымен бірге қала орталығының келбетін өзгеркен 1935 жылды ешқашан ұмытпаймын – сол кезде бұрынғы базар алаңында Киров саябағының негізін қалағанбыз.

Біз алаңды тастардан тазарттық, базар адамдары мен шаруалардың арбалары талай онжылдықтар бойы таптап тастаған жерді  қаздық. Алақанымыз қанап, иығымыз салдырап қалғанша жұмыс істедік. Және де жанымызда әрдайым тамаша да қарапайым еңбекқор адам Дмитрий Гордеевич Панкратьев жүретін. Ол ағаштардың тұқымдарын іріктеп, бізді саябақ жайғастыруға, ағаш отырғызып, оларға күтім жасауға үйретті, еңбек пен табиғатты нақты сүюге үйретті»,- деп еске алатын А.М.Логинов – «Партийная жизнь Казахстана» және «Народное хозяйство Казахстана» журналдарының редакторы.