Чернобыль атом электр станциясындағы апаттың салдарын жоюға қатысқан шығысқазақстандықтарға арналған экспозиция 2010 жылы ашылды. Оған Ертіс құрылыс басқармасының (ЕҚБ), «Промсантехмонтаж», «Промэлектромонтаж» басқармалары мен Үлбі металлургия зауытының (ҮМЗ), № 22 медициналық-санитарлық бөлімнің «чернобыльдықтары»,  «Чернобыль» ерікті қоғамы» бірлестігі мен ШҚО әскери бөлімдерінің бұрынғы қызметкерлері, яғни оқиғаға қатысушылардың ұсынған фотосуреттерінің, марапаттары мен марапаттау құжаттарының, материалдық заттары мен жеке заттарының (жеке дозиметрлер, сағаттар, белгішелер) көшірімдері (репродукциялары) кіреді. Экспозицияны дайындауға Ертіс құрылыс басқармасының бұрынғы қызметкерлері Владимир Георгиевич Плохих, Александр Алексеевич Объедков және «Промсантехмонтаж» басқармасы - Петр Иванович Попов үлкен көмек көрсетті.  Арнайы бөлім апат салдарын жоюшылардың штабын басқарып, көптеген жылдар бойы ШҚО-дан КСРО Жоғарғы Кеңесінің депутаты болған КСРО Орта машина жасау министрі Славский Ефим Павловичке арналған.

ШҚО-ның 3 мыңнан астам білікті мамандары мен жұмысшылары апат салдарын жоюға жұмылдырылды. Құрылысшылар, жүргізушілер, дезактиваторшылар, дәрігерлер аянбай еңбек етті, нәтижесінде қысқа мерзімде цемент зауыттары салынды, ал апаттан алты ай өткен соң қираған энергия блогының үстіне планетада радиоактивті бөлшектердің таралуын тоқтататын сенімді герметикалық күмбез-саркофаг тұрғызылды.