Көрме Ұлы Отан соғысына қатысқан 200 мыңға жуық шығысқазақстандықтардың жауынгерлік ерлігін көрсетеді. Көрме 2005 жылдың мамыр айында облыстық Ардагерлер кеңесінің, ҚР Қорғаныс министрлігінің, ШҚО мемлекеттік архивінің, Семей қаласының жаңа тарихты құжаттандыру орталығының, облыстың тарихи-өлкетану, мектеп музейлерінің, Өскемен қаласының № 5518 әскери бөлімі қолбасшылығының көмегімен құрылды және 2025 жылы айтарлықтай жаңартылды.
Экспозицияда түпнұсқа марапаттар, құжаттардың түпнұсқалары және көшірмелері, фотосуреттер мен майдангерлердің жеке заттары қойылған. Залдың жеке секторы Кеңес Одағының Батыры атағына ие болған Шығыс Қазақстан облысының 62 тумасы мен тұрғындарының портреттік галереясына бөлінген.
Орталық сөреде ШҚО қалалары мен ауылдарындағы соғыстың қиын жылдарында елдің бейбітшілігі мен бостандығын қорғаған жерлестеріне естелік ретінде тұрғызылған мемориалдық кешендердің суреттері, сондай-ақ облыс мектептерінің іздестіру жасақтарының жұмыс материалдарымен альбомдар бар.
