2026 жылдың 5 наурыз күні бөлім қызметкері Ж. Рахатова ШҚО өнер музейімен бірлесіп «Дәстүр сұлулығы» атты танымдық сабақ ұйымдастырып өткізді.  «Белсенді ұзақ өмір орталығының» тігін тігу үйірмесінің жетекшісі - Гульбарам Сеитханқызы Коксегенова, сәндік-қолданбалы өнер шебері. Құрақ құраудың қыр-сырын жетік меңгерген, оны замануи бағытта дәріптеп жүрген, шығыс құрақшыларының белсенді мүшесі. Шара қонақтары: А. Умбетова, А.Абиева және М. Калиаскарова – шығыс құрақшылары.   Қатысушылар - С.Аманжолов атындағы Шығыс Қазақстан университетінің I курс студенттері.

«Заң мен тәртіп» тұжырымдамасы аясында ШҚО этнографиялық музейінің қызметкерлері С. Аманжолов атындағы ШҚУ-дың 1-курс студенттері мен музей қызметкерлеріне «Қазақстандағы волонтерлік қызмет: бағыттары мен ерекшеліктері. Волонтерлік қозғалыс – патриоттық тәрбие берудің құралы ретінде» атты іс-шара өткізді. Іс-шара құқықтық және әлеуметтік мәдениетті қалыптастыруға, қоғамдағы азаматтық жауапкершілік қағидаттарын нығайтуға, Қазақстандағы волонтерлік қозғалысты насихаттауға бағытталды. Спикерлер ретінде Жастар ресурстық орталығының қалалық волонтерлік фронт-офисінің жетекшісі Анель Ренатқызы Шарипжанова, С. Аманжолов атындағы ШҚУ студенті, волонтер Елдос Калиев және музей-қорықтың ақпараттық-ағарту бөлімінің меңгерушісі Ш.М. Карибаева сөз сөйледі.

Қосымша фотосурет ...

«Аламан құрақ» шеберлік-дәрісі өтті. Спикері - Нұргүл Абайхан, «Аламан құрақ» жобасының негізін қалаушы. «GlOBAL BEST OF RECORDS» дүниежүзілік рекордтар кітабына енген және күміс медаль иегері.

Кездесу барысында алда өтетін «Аламан құрақ» жобасымен таныстырып, «шығыс бітпесі» деп аталатын құрақ түрін тігу жолдарын көрсетіп, тәжірибесімен бөлісті.

Толығырақ...

2026 жылдың 18 ақпанында ШҚО этнографиялық музейінің қызметкерлері Өскемен қаласындағы №36 орта мектебінің 7-сынып оқушыларына қазақ поэзиясының әйгілі тұлғасы, өлең сөздің дүлдүлі, қазақ халқының ұлы ақыны, жыр алыбы Жамбыл Жабаевтың туғанына 180 жыл толуына орай «Асыл сөздің патшасы – Жамбыл Жабаев» атты іс-шара өткізді. Іс-шара барысында балалар Ж. Жабаевтың өмірі және шығармашылығымен танысты. Оның қазақ поэзиясының дамуына қосқан үлесі, сондай-ақ, Ұлы Отан соғысы жылдарында халықты жеңіске жігерлендірген жалынды жырларының маңызы атап өтілді.  Оқушылар ақын шығармаларынан өлеңдер оқыды.  Өскемен қаласының «Жұлдыз» балалар өнер мектебінің «Көктерек» домбырашылар ансамблі домбырада күмбірлеген күй тартып, іс-шараның көркін ашты.

Толығырақ..

ШҚО этнографиялық музейінде ұлы ақынның мерейтойына арналған «Дала үні: Жамбыл Жабаевтың 180 жылдығы» атты әдеби-музыкалық кеш өтті. Іс-шараға облыстық Пушкин атындағы кітапхана қызметкерлері, Құмаш Нұрғалиев атындағы Жоғары колледж студенттері, Достық үйінің «Ақ босаға» халық ансамблі, «Белес» фольклорлық ансамблінің солистері шақырылды. Тақырыптық таныстырылым, Жамбылдың өлеңдері, халық әндері, домбыра тарту, ақынға арналған кітаптар туралы әңгіме – мұның бәрі кездесудің лирикалық атмосферасын қалыптастырды. Қатысушылар іс-шараның жай ғана тыңдаушылары ғана болмай, Жамбылдың шығармашылық жолы туралы әңгімеге белсене қатысты.

Қосымша фотосурет ...

2026 жылдың ақпан айында музей-қорық қызметкерлері № 45 «Болашақ» балабақшасында «Заң мен тәртіп» идеологиясы аясында  ұйымдастырылған экологиялық акция өткізді. Акцияның мақсаты – балалардың қоршаған ортаға деген жауапкершілік сезімдерін қалыптастыру, оларды табиғатты аялауға және жануарларға қамқорлық жасау ережелерін сақтау маңыздылығын түсінуге үйрету. Акция барысында бүлдіршіндерге қыстайтын құстар және оларды тамақтандыру ережелері туралы айтылды. Шара соңында балалар алған білімдерін іс жүзінде бекіте отырып, құстарға қамқорлық жасауды жалғастырулары үшін оларға құс жемі мен құсқа жем салатын астаулар сыйлыққа берілді.

Қосымша фотосурет ...

«Сәрсен Аманжолов атындағы Шығыс Қазақстан университеті» КЕАҚ №1 оқу ғимараты, университет музейінде  «ҰРПАҚҚА ҰЛАСҚАН ӨРНЕК: ҚАЗАҚ СӘНДІК ҚОЛДАНБАЛЫ ӨНЕРІ» тақырыптық шарасында Рахатова Жадыра Тоқтарбекқызы «Қазақ сәндік-қолданбалы өнер» көрмесін ұйымдастырып өткізді. Дәстүрлі және заманауи қолөнер бұйымдары жайлы қызықты мағлұмат берілді.

Толығырақ...

Халықтық және сәндік-қолданбалы өнер бөлімінің қызметкері Жадыра Тоқтарбекқызы «Музей педагогикасы – білім беру ресурсы» жобасы аясында «Музей педагогикасы арқылы рухани-адамгершілік құндылықтарды нығайту және Қазақстан тарихы мен мәдениетіне қызығушылықты арттыру» тақырыбындағы стратегиялық сессияда «Музей – мәдениеттің алтын көпірі» тақырыбында баяндама оқыды. Семинар Ю. Костанянцтың музей-үйінде өтті.

2026 жылдың 22 қаңтар күні халықтық және сәндік-қолданбалы өнер бөлімінің қызметкерлері «Мағыналы құрақ» атты танымдық шеберлік-сағат өткізді. Спикер - құрақ құрау шебері, "Аламан құрақ" жобасының мүшесі Айжан Умбетова.

Шараға құрақшылар, қолөнершілер және «Асыл әжелер» алқасының мүшелері, студенттер және музей қызметкерлері  қатысты. Шеберлік-сағат барысында құрақ құраудың қыр сыры таныстырылды.

Қосымша фотосурет ...