2021 жылдың 9 қазанында Самал саябағында велотрек салтанатты түрде ашылып, велосипед спортынан жарыс өтті.

Талдықорған қаласынан келген велосипед жарыстарындағы ВМХ бағытының өкілі Евгений Яковлев велотрек жасап және осындай жарыстарды ұйымдастыру мүмкіндігін бергені үшін қала және облыс басшылығына алғысын білдірді. Өскемен қаласының велосипед жарыстары бойынша жаттықтырушысы Андрей Нитяжуктың пікірінше, Самал саябағындағы велотрек – бұл велосипед спортының әуесқойлары үшін түрлі жарыстар өткізудің бірегей мүмкіндігі. Мұндай велотректер Қазақстанда тек Астана мен Алматыда ғана бар деді жаттықтырушы.  Ал қыста мұнда сноуборд және велосипед тебуге болады дейді Андрей Васильевич.

30 қыркүйек пен 3 қазан аралығында Барнаул мен Горно-Алтайск қалаларында екі мемлекеттік университет негізінде «Ұлы Алтайдың түркі-моңғол әлемі: тарихи-мәдени мұра және қазіргі заман» атты II Халықаралық алтаистикалық форумы өтті. Ірі халықаралық ғылыми оқиға екі алаңда нақты және онлайн режимде әлемнің 9 елінен – Ресей, Венгрия, Моңғолия, Финляндия, Қазақстан, Қырғызстан, Өзбекстан, Тәжікстан, Түркіменстаннан 300-ге жуық ғалымды жинады. Шығыс Қазақстан музей-қорығынан форумға директордың экспозициялық көрме жұмысы жөніндегі орынбасары Евгения Рахматулина қатысты.

14 қыркүйекте Шығыс Қазақстан облысы әкімінің тапсырмасына сәйкес Шығыс Қазақстан облысының мәдениет басқармасы басшысының міндетін атқарушы Нұрболат Қадырұлы Ахметжанов жұмыс сапарымен Шығыс Қазақстан облыстық сәулет-этнографиялық және табиғи-ландшафттық музей-қорығының бір нысаны болып табылатын Солжағалық кешенінде болды.

Музей-қорық директоры Тен Арсен Владимирович Солжағалық кешеннің этнографиялық аймағындағы  ашық аспан астында қанат жайған сәулет және тұрмыс музейімен, ботаникалық бақпен, хайуанаттар бағымен, әскери кешенмен, отбасымен демалу аймағымен және «Жібек жолы» экспозициясымен таныстырды.

Бүгін Шығыс Қазақстан облыстық мәдениет басқармасының басшысы Нұрболат Қадырұлы Ахметжанов Шығыс Қазақстан облыстық сәулет-этнографиялық және табиғи-ландшафттық музей-қорығы нысандарының бірі «Самал» саябағында болды.

Музей-қорық директоры Арсен Владимирович Тен осы нысанмен таныстырды. Кездесу барысында «Самал» саябағын одан әрі дамыту мәселелері талқыланды.

2021 жылғы 9 қыркүйек күні қалалық мәслихат депутаты, С.Аманжолов атындағы Шығыс Қазақстан университетінің ректоры Төлеген Мұхтар Әділбекұлы музей-қорықтың ұжымымен кездесіп, мемлекет басшысы Қасым-Жомарт Кемелұлы Тоқаевтың «Халық бірлігі және жүйелі реформалар – ел өркендеуінің берік негізі» атты Қазақстан халқына жолдаған Жолдауының басым бағыттарын баяндады.

С. Аманжолов атындағы Шығыс Қазақстан университеті мен Шығыс Қазақстан облыстық сәулет-этнографиялық және табиғи-ландшафттық музей-қорығы тығыз жұмыс істейді. Биылғы жылы Елбасы Н.Ә.Назарбаевтың «Рухани жаңғыру: болашаққа бағдар» бағдарламалық мақаласы негізінде «Ұлы Даланың жеті қыры» тақырыбында семинарлар сериясы, мектеп музейлерінің жетекшілері үшін әдістемелік шеберлік сағаттары, студенттер мен магистранттарының іс-тәжірибелері ұйымдастырылды.

2021 жылғы 12 тамыз халықаралық Жастар күнінде Қасым Қайсенов атындағы этнобақта Қазақстан Республикасы Тәуелсіздігінің 30 жылдығына арналып, Өскемен қаласы әкімдігінің Жастар ресурстық орталығымен бірлескен жастар флешмобы болып өтті. Оған музей-қорықтың бірқатар бөлімдерінде істейтін жас қызметкерлер, сондай-ақ, «Жасыл ел» жобасы бойынша еңбек етіп жүрген жастар қатысты. Флешмобтың режиссері, ағарту және көпшілікпен жұмыс бөлімінің меңгерушісі Любовь Лазарева «Жастар – еліміздің болашағындағы стратегиялық игілік ресурсы» деп атап өтті.

Флешмобтың Қазақстан халқының ұлттық-рухани бірлігін нығайтуға бағытталып, қызықты әрі ерекше жарқын болып өткені қуантады. Осылайша жастар аға буын өкілдерінен эстафетаны қабылдайды.

 Музей-қорықтың баспасөз қызметі

Суретті түсірген Алексей Мазницын

2021 жылдың шілде айында «Казцинк» акционерлік қоғамының қызметкерлері мен жұмысшыларының балалары музей-қорықтың кәсіпорынмен ынтымақтастығы аясында ШҚО музей-қорығына барып қайтты. «Казцинк» жазғы каникул күндері аптасына бір рет балалардан тұратын делегацияны өлкеміздің тарихы мен этнографиясы турасында білім және тиісті әсер алу үшін музей-қорықтың залдары мен саябақтарына жіберіп отырады. Оқушылар үшін Қасым Қайсенов көшесіндегі «Біз – Қазақстан халқымыз» атты экспозициядан ерекше әсер алды және оларға арналып  біздің өңірді мекендейтін халықтар туралы экскурсия өткізілді. Оқушылар түстен кейін Солжағалық кешенге барып, паровозбен қызықты саяхат жасады, аймақтың жануарлары жайлы көп нәрсе білді, бывают вВоенном городке. Балалардың сөзіне қарағанда, олар музей-қорықты облыстағы ең қызықты орындардың бірі деп санайды және бұл жерге қуана-қуана келеді.

2021 жылдың 23 шілдесінде музей-қорықтың Солжағалық кешенінде  «Бейбітшілік пен келісім жолымен» атты фильм түсірілді. Түсірілім тобымен бірге келген Қазақстан халқы Ассамблеясы төрағасының орынбасары,  танымал тележүргізуші Майя Бекбаева айтқандай, фильм Қазақстанның барлық өңірлерінде түсіріледі және ол республика аумағында өмір сүріп  жатқан  халықтар туралы баяндайтын болады. Біздің аймақтағы мұндай топтар татар және әзірбайжан диаспоралары болды. Облыстық Достық үйі-қоғамдық келісім орталығының өкілдері Солжағалық кешеннің  Этноауылындағы татар қоныс-үйінде татарлардың балмайн элементтері бар үйлену тойының рәсімін көрсетті. Сонымен қатар әзірбайжан қоныс-үйі де түсірілді. Түсірілім тобы үлкен қазақ киіз үйінде Алтын адамды түсірді. Түсірілім этноауыл аумағындағы Абай үйінде де жүргізілді. Жамбыл атындағы саябақ пен ондағы ұлы ақынға орнатылған ескерткіш те түсірілімге арқау болды.

2021 жылғы 4 шілдеде Астана күні қарсаңында Солжағалық кешеннің Этноауылында батпырауықтар, кайттар және модельдік ұшақтар ұшырылды. Бұл «Ұлы Жібек жолы» халықтарының батпырауықтарды ұшыру дәстүрлерін насихаттау, сондай-ақ батпырауықтың құрылу және даму тарихына оралу мақсатында жүргізілді.

Жас техниктер станциясының авиамодельші-оқытушылары Сағындық Жұмағалиев пен Андрей Жиляков, сонымен қатар олардың тәрбиеленушісі, V-3-P сыныбы бойынша Республикалық жарыстың жеңімпазы және «залды пилотаждық модельдер» санатының ІІ орын иегері – Егор Кокоткин көрнекі өнерлерін көрсетті.

2021 жылғы 6 шілдеде Қазақстанда маңызды мемлекеттік мереке – астана күні атап өтіледі. Бүгінде Нұр-Сұлтан қаласы – «Рухани жаңғыру»  бағдарламасының негізгі қағидаларын жүзеге асырудың жарқын мысалы. Бұл жаңартуға деген ұмтылыс, жаңа құндылықтарды қалыптастыру, барлық жағынан жаңа, перспективалы болашақ құру үшін инновациялық идеяларды енгізу.

Алдағы мерекеге орай музей-қорық 3 шілде күні А.С. Пушкин атындағы облыстық кітапханамен бірлесіп «Ертіс концерт» КМҚК-да  «Ел астанамен бірге өзгеруде» атты көрме ұйымдастырды. Көрмеде кітаптар, картиналар, түрлі жәдігерлер ұсынылды. Музей-қорықтың фотосуретке түсірушісі Алексей Мазницын келушілерге Шығыс Қазақстан табиғатының үлкен фотосуреттерін ұсынды.

30 маусымнан бастап Жамбыл немесе Қасым Қайсенов атындағы саябақта серуендеуге келгендердің барлығы осы жерден кітап алып, оқи алады. Оралхан Бөкей атындағы қалалық кітапхана директорының орынбасары Жанат Жиенбекованың айтуынша, бұл саябаққа балаларымен бірге келетін ересектерге де қатысты. Балалар серуендеп жүргенде ересектердің кітап алып, оқуларына болады. Жанат Мәуітқызының пікірінше, балалар әжесінің немесе ата-анасының кітап оқып отырғанын көріп, өздері де оқығысы келеді. Содан кейін кітапты қалалық кітапхана ұйымдастырған арнайы пункттерде қалдыру керек.

2021 жылдың 28 маусымы күні Қасым Қайсенов атындағы этнобақта  бұқаралық ақпарат құралдары қызметкерлері күніне орай облыс әкімінің марапаттауы болып өтті. Іс-шарада облыс әкімдігі мен облыстағы түрлі  басылымдардың өкілдері сөз сөйледі.

Қазақстан Республикасы Тәуелсіздігінің 30 жылдығы аясында Шығыс Қазақстанның журналистика тарихына арналған «Әр жолынан замана тынысы сезілген» атты экспозиция ашылды. Бұл – Шығыс Қазақстан облыстық  мәдениет басқармасының «Шығыс Қазақстан облыстық сәулет-этнографиялық және табиғи-ландшафттық музей-қорығы» КМҚК мен «Шығыс Ақпарат» ЖШС-ның бірлескен жобасы.