Шығыс Қазақстан облыстық мұражай-қорығының күміс коллекциясы таңқаларлық. Онда мәдениет пен өнердің керемет туындылары жиналған: қазақтар мен орыстардың зергерлік күміс әшекейлері, монеталар, икондардың окладтары, құдайға табыну заттары және, әрине, күміс ыдыс-аяқ.

Күміс бұйымдар – бұлар тек мәдениет пен өнер ескерткіштері ғана емес, сонымен қатар тарихи дереккөз, өйткені оларға соғылған таңбалардың, жазулардың, монограммалардың арқасында қызықты дүниелерді, тарихтың белгісіз беттерін ашуға болады.

Санғасырлық тарих бойында әр халық өзінің ұлттық музыкасын қалыптастырып, өзіндік аспаптар жасады.

Уақыт өте келе музыкалық аспаптардың сырт бейнесі өзгеріп, жетілдірілді, кейде жаңасымен ауыстырылды. Шеберлік пен үнемі жаңаға деген ұмтылыс, түйсік пен шабыт сияқты адами қасиеттер саз шығаруы жөнінен бұрын болмаған музыкалық аспаптар жасауға септігін тигізген. Есімдері сақталмаған халық қолөнершілері мен атақты шеберлер оларды түрлі-түсті тастармен, оймыштармен, жозымен әшекейлеп, нағыз сәндік-қолданбалы өнер туындыларына айналдырған.

Облыстық этнографиялық мұражай-қорық қорының коллекциясында ХІХ ғасыр соңы – ХХ ғасырдағы музыкалық аспаптардың үлкен коллекциясы сақталуда.

Сайтта этнографиялық мұражай қорының құрамы жағынан облыстағы ең бай әрі алуантүрлі икондар жинамасының  тек аз бөлігі ғана ұсынылып отыр.

Орыстардың православиелік иконы византиялық икона кескіндеудің таңдаулы дәстүрлерін мұра етіп алған. 500 жылдан астам уақыт ішінде ол әлемдік мәдениетке жоғары өнердің көркемдік жағынав жетілдірілген және руханилығы жағынан терең болып келетін үлгілерін берді.

Касли зауытының негізі 1747 жылы Уралда қаланған болатын, тек ХІХ ғасырдың үштен бірінің алғашқы бөлігінде ғана оның өнімінің ассортиментінде өзінің көркем құймасы пайда болды. Содан кейінгі онжылдықтар – Каслиде көркем шойын құйма өндіру ісінің барынша өркендеген кезеңі.

Сол өңірде табиғи қалыптастырушылық құмның мол болуы, ағаш көмірімен балқытылатын шойын сапасы, қалыптаушылар мен шекімешілердің ұзақ жылдар бойғы ауыр еңбегі нәтижесінде қалыптасқан шеберлігі арқасында керемет Каслилік шойын құю өндірісі жетілдірілді

Шығыс Қазақстан облыстық мұражай-қорығының буддалық коллекциясы жәдігерлерінің саны жағынан басқа коллекциялармен салыстырғанда әзірше шағын, өйткені ол сирек кітаптар және иконажазу бөлімінде діндер тарихы секторы ашылғаннан кейін ғана мақсатты түрде қалыптастырыла бастады.

Верфель фабрикасының негізін 1842 жылы қола ісінің шебері Федор Верфель қалағанымен, оның атағын шығарып, гүлдендірген ұлы Карл (1873 жылдан бастап фабриканың жеке иесі) болды. 1895 жылғы 6 маусымнан бастап К.Верфель фирмасы сарай жанындағы жабдықтаушыға айналды. Оның негізгі бұйымдары қоладан және іске жарамды түрлі-түсті тастардан құрамдастырылған заттар еді. Сонымен бірге фабрика ұсақ пластика өндіретін.