«Менің әлемім». Шығыс Қазақстан өнер музейінде ашылған живописьтік полотнолар көрмесі осылай деп аталады. Онда Қазақстан Суретшілер одағының мүшесі, музей-қорықтың аға ғылыми қызметкері Гүлнәр Бекбердинованың картиналары қойылған.

Гүлнәр Бекбердинова Көкпекті ауданының Көкжайық ауылында дүниеге келген және өзінің кіші Отанына деген сүйіспеншілігін өз картиналарында көрсетуден жалыққан емес. Суретшінің «Шебер», «Менің әжем», «Аңшылықта» және басқа да майлы, акварельді картиналарында оның бала кезінен  жүрегіне жақын дүниелер келтірілген. Шебер  қазірде де сол бір  суреттерді өзгелердің түйсік-пайымына жеткізуге тырысады. Олар – ұлттық дәстүрлердің басымдығы, отбасының беріктігі, бақытты махаббат үлгілері.

2019 жылдың 11 мамырында Семей қаласындағы №29 орта мектебінің орта буын оқушылары үшін музей-қорықтың ақпараттық-білім беру бөлімінің қызметкерлері «Санкт-Петербургтегі Мемлекеттік Орыс музейін таныстыру» тақырыбында дәріс оқыды. Іс-шараға 100 адам қатысты.

9 мамыр күні музей-қорықта Ашық есік күні өтті. Әскери кешендегі  Солжағалық саябаққа қонақтар ерекше  көп келді.
Ұлы Отан соғысындағы Жеңіс күніне орай, Солжағалық саябақ аумағында орналасқан музей-қорықтың барлық залдары тегін жұмыс істеді. Қала тұрғындары мен қонақтары саябақтағы әскери кешенде өткен 1938-1970 жылдар үлгісіндегі әскери техникалар көрсетіліміне ерекше қызығушылық танытты. Әрине, кешен павильондарының бірінде орналасқан «Өмір үшін өлімге бас тіккендер» экспозициясы келушілердің назарынан тыс қалмады. Ол соғыс жылдарында шайқасқа қатысқан  шығысқазақстандық     Кеңес Одағының  109 батырына  арналған. Бұл жерде тақырыптық турлар өтті.

7 мамырда үндінің атақты жазушысы, ақыны және қоғам қайраткері Рабиндранат Тагордың туғанына 158 жыл толды. Сол күні «Жастар» саябағындағы ескерткіш жанында үнді халқының даңқты ұлын, Нобель сыйлығының иегерін еске алуға Үндістанның Қазақстан Республикасындағы әскери атташесі, полковник Милан Налаваденің басшылығымен келген үнділік делегация болды.

14 сәуір күні «Жастар» саябағында Қазақстандағы Ғашықтар күніне арналған мереке аталып өтті. Келушілер «Халықтық және сәндік-қолданбалы өнер» бөлімінің қызметкерлері ұйымдастырған мерекеде қолөнершілер жәрмеңкесіне қатысып, концертті тамашалады.

Музей-қорықтағы мекеме қызметкерлерінің балалары арасында «Қазақстанның балалары жемқорлыққа қарсы» атты шығармашылық байқауы өткізілді. Балалардың барлық жұмыстары Солжағалық кешеннің әкімшілік ғимаратына қойылды.

2019 жылдың 30 наурызы күні сағат 10.00-де «Рухани жаңғыру» бағдарламасын жүзеге асыру аясында Қазақстан-Американ еркін университетінде Шығыс Қазақстан облысы, Өскемен қаласындағы 29 мектептің 10-11 сынып оқушылары арасында Қазақстанның тарихы мен мәдениеті бойынша олимпиада болып өтті.

Наурыз –  көктемнің алғашқы белгілері көрінетін, Жаңа жыл келетін тамаша кез. Наурыз мейрамын негізінен мұсылман мемлекеттерінде тойланса да, діни мейрамға жатпайды, себебі, күн мен түннің теңелуі, табиғаттың жаңаруы халққа жақсы әсерін тигізіп, асыға күткен мейрамды дүркірете тойлайды.

22 наурызда Өскемендегі Республика алаңында Наурызды мерекелеуге арналған іс-шаралар болып өтті. Оған музей-қорық та қатысты.

Мерекелік аумақта орын тепкен жеті киіз үйдің әрқайсысы Қазақстан Республикасының Тұңғыш Президенті Нұрсұлтан Назарбаевтың «Ұлы даланың жеті қыры» атты мақаласының әрбір тарауына арналды. Олардың бәріне дерлік музей-қорықтың қорынан алынған жәдігерлер қойылды.

10 наурызда облыстық Достық үйінде жергілікті қолөнер шеберлері  бұйымдарының көрмесі ұйымдастырылған Масленица мерекесі болып өтті. Көрмені ұйымдастыруға музей-қорықтың халықтық және сәндік-қолданбалы өнер бөлімі атсалысты.

5 наурызда орталық қалалық кітапханада шығысқазақстандық жазушы, журналист Мүсілім Құмарбековтің 80 жылдығына арналған әдеби кеш болып өтті. Сирек кітаптар және иконажазу бөлімі «Алтай – менің алтын бесігім» атты көшпелі көрме ұйымдастырды.

Шығыс Қазақстан облыстық аймақтық байланыс орталығында   26 ақпан күні музей-қорықта  ашылатын «Шығыс Қазақстанды тамсандырған ғажап Қытай» атты алғашқы қытай мәдени-туристік көрмесін өткізу туралы баспасөз конференциясы өтті.